Хаартыска: «Хаҥалас» хаһыат
Өрөспүүбүлүкэтээҕи «Хонуу-2024» тэрээһиҥҥэ Дьокуускайдааҕы ТХНЧИИ дириэктэрэ Михаил Черосов аграрнай салаа кэскилэ научнай-тэхиниичэскэй сайдыыга тирэҕирэр диэтэ уонна агродроннары билиһиннэрдэ.
Бу күн Кытайга оҥоһуллубут көтөр агродрон дьон болҕомтотун тарта: биир чаас иһигэр паарынан ыстаран, 15 гектар сиргэ уоҕурдуу кутуон син. Ону таһынан көтөр аппараат иитиитэ бүтэрэ чугаһаатаҕына операторыгар төннөн кэлэр. Оператор көмпүүтэр көмөтүнэн дрону ханна үлэлиирин салайар. Бу туһунан «Хаҥалас» хаһыат суруйар.
«Агродроннар» ХЭТ дириэктэрэ Роман Пахомов агродрон туһунан билиһиннэрдэ:
— Биһиги агродрон ырыынагар 2023 сыллаахтан үлэлиибит. Саха сиригэр саҥардыы кэллибит. Бу иннинэ Казахстан Алма-Атинскай уобалаһыгар үлэлээбиппит. Онно дойду соҕуруу эҥээригэр ирииһи о.д.а. култууралары хото үүннэрэллэр. Биһиги хас да сакааһы толорбуппут. Дойдубутугар кэлэн Тыа хаһаайыстыбатын министиэристибэтигэр барбыппыт, аныгы аппарааттарынан саха уолаттара үлэлиир эбиппитин үөрэ-көтө көрсүбүттэрэ. Өрөспүүбүлүкэбитигэр биир дрону аҕалбыппыт. Сакаас киириититтэн көрөн, дроннары өссө аҕалыахпытын син. Биһиги аппараттары аҕалан атыылыыр эрэ буолбатахпыт, БПЛА-ны үлэлэтиигэ операторга бэйэбит дьону үөрэтэр кииннээхпит. Дуогабар быһыытынан АГАТУ-ну кытары устудьуоннары биир үөрэх чаастаахпыт.
Саха сиригэр агродроннары туһаныы кэскиллээх дьыала. Бааһынаны нүөлсүтүүгэ тыраахтары туттумуохха да син. Ол курдук, агродрон үлэ араас хайысхатыгар туһаныллар кыахтаах, киһи үлэтин чэпчэтэр. Аппараат батареята электрическэй уоттан, ону сэргэ генератордартан да ииттэриллэр. Агродроннары тыһыынчанан гектар ыһыылаах хаһаайыстыбалаах Калининградка, Краснодарскай уобаласка киэҥник туттар буоллулар. Сэтинньигэ диэри толору туһанан, улахан үүнүүнү ылаллар. Биһиги Казахстаҥҥа, атын да сирдэргэ үлэлээн балай эмэ уопутурдубут. Бу «Хонуу-2024»тэрээһинигэр кэлбиппит үчүгэй эбит. Агродроммутун Хаҥалас, Нам, Мэҥэ Хаҥалас уонна да атын улуустар дьоно кэрэхсээтилэр».
Кирилл Черепанов.
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…