А.Сергучева түһэриитэ
Бэҕэһээ СӨ Тыатын хаһаайыстыбатын уонна аска-үөлгэ бэлиитикэтин министиэристибэтигэр агрономнар сүбэ мунньахтара ыытыллыбыта. Онно Үүнээйини ылыыны, сири оҥорууну уонна мелиорацияны сайыннарыыга департаменын салайааччыта Вячеслав Гаврильев бу ааспыт сайын төһө да курааннаатар, өрөспүүбүлүкэ сири кытта үлэлээччилэрэ – аграрийдар оҕуруот аһын, сенаһы, сиилэһи бэлэмнээһин былаанын толорууга күүскэ үлэлээбиттэрин бэлиэтээбитэ. Былааны толорууга сааскы ыһыы үлэтин судаарыстыба кэмигэр өйөөбүтэ төһүү буолбутун эппитэ.
Вячеслав Владимирович быйылгы сыллааҕы сааскы ыһыыга эрдэттэн бэлэмнэнэргэ сүбэлээтэ. Ол курдук, ыһыы иэнин барыллааһын былаана чопчуламмыт. “Быйыл үүнээйинэн дьарыктанар хаһаайыстыбаларга субсидияны сааскы ыһыы үлэтигэр бэлэмнэнэллэрин курдук кэмигэр тиэрдиллиэҕэ”, — диэтэ кини мунньахха.
Бу мунньахтан саҥа суортарга сахалыы ааттары биэриилэрэ кэҥээбитин сэргии иһиттим. “Эллэй”, “Талба”, “Быйаҥ”, “Чолбон”… Ону сүбэ мунньахха кыттыбыт учуонайдар кэпсээннэриттэн да истиэххэ сөп. 2024 сылга суортары боруобалааһын түмүктэрин туһунан “СӨ Сири оҥорууга сулууспатын” салайааччытын солбуйааччы Александра Алексеева, сүөһү аһылыга буолар култууралар селекцияларын туһунан тыа хаһаайыстыбатын наукатын хандьыдаата Валентина Алексеева, бурдук селекциятын туһунан тыа хаһаайыстыбатын наукатын хандьыдаата Елена Владимирова уо.д.а. иһитиннэриилэрин мунньах кыттыылаахтара сэҥээрдилэр.
Үүтү ылыыга ынах рационун сөптөөхтүк бэлэмнээһин туһунан “Агроэксперт” ХЭТ научнай салайааччыта Михаил Миронов билиһиннэрдэ. Кини бу тэрилтэ тустаах боппуруоһунан быйыл 50 хаһаайыстыбаны кытта үлэлиир былааннааҕын билиһиннэрдэ. Бу тэрилтэ исписэлиистэрэ 460 сэминээри, 200 сүбэни-аманы тэрийбиттэр, 450 пиэрмэри кытта көрсүбүттэр. Быйыл 1000 үөрэнээччини кытта көрсүһэр санаалаахтар. “Агроэксперт” өрөспүүбүлүкэ үрдүнэн 60000 км айаннаабытын аахтахха, үлэтин сатаан тэрийбит диэххэ сөп.
Хаартыска: А.Сергучева
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…