“АгроНТРИ” Бүтүн Арассыыйатааҕы куонкурус” эрэгийиэннээҕи түһүмэҕэ тэриллиэҕэ

Арктикатааҕы судаарыстыбаннай агротехнологическай университет быйыл эмиэ сэлиэнньэлэр уонна кыра куораттар үөрэнээччилэригэр аналлаах биир саамай инники күөҥҥэ сылдьар “АгроНТРИ Бүтүн Арассыыйатааҕы куонкурус” олоҕурбут көрүҥүнэн ыытыллар түһүмэҕин былаһааккатынан буолла. Манна  өрөспүүбүлүкэ бары улуустарыттан сүүстэн тахса оҕону көрсүөҕэ.    

Санатан эттэххэ, куонкурус сыалынан тыа сиригэр уонна кыра куораттарга баар үөрэх тэрилтэлэрин үөрэнээччилэригэр Национальнай технологическай көҕүлээһин инники күөҥҥэ турар технологическай үлэлэрин билиһиннэрии, сыһыарыы буолар, ол иһигэр, тыа хаһаайыстыбатыгар сыыппара технологиятын туһаныы, АПК роботизациялааһын соруга, тыа хаһаайыстыбатыгар пилота суох көтөр аппарааттары туһаныы киирэр. Куонкурус үөрэнээччилэр айар кыахтарын олоххо киллэриигэ, ону тэҥэ, идэҕэ эрдэттэн бэлэмнэниилэригэр туһаайыллар.

Үөрэнээччилэргэ аналлаах Бүтүн Арассыыйатааҕы АгроНТРИ-2023 куонкурус былырыын 200-тэн тахса оҕону түмпүтэ. Эрэгийиэннээҕи олоҕурбут көрүҥүнэн ыытыллар түһүмэх ДоброПчёл, АгроКосмос, АгроМетео, АгроКоптеры, АгроРоботы, АгроБио, АгроСмарт, АгроРоверы, АгроВет номинацияларынан барбыта. Бу туһунан университет пресс-сулууспата иһитиннэрэр.