“Агростартап” куонкуруһа эксээмэн курдук

Share

Бүгүн-сарсын өрөспүүбүлүкэ Тыатын хаһаайыстыбатын министиэристибэтигэр “итии күннэр” тураллар. Ол курдук, “Агростартап” куонкуруска кыттан, пиэрмэр буолар тыа хаһаайыстыбатынан дьарыктанааччылар биисинэс-бырайыактарын көмүскүү тураллар. Онон министиэристибэ актовай саалатын таһыгар киһи бөҕө тоҕуоруйда.

Бүгүн бэйэлэрин бырайыактарын Амма, Үөһээ Бүлүү, Бүлүү, Горнай, Мэҥэ Хаҥалас, Нам, Таатта, Хаҥалас улуустарын бэрэстэбиитэллэрэ көмүскүүллэр. Бэдьимэттэн Гаврил Попов ынах сүөһүтүн ахсаанын элбэтээри тустаах бырайыакка кыттарын кэпсээтэ. Нуораҕанаттан төрүттээх Гаврил Петрович Бэдьимэ күтүөтэ. 16 борооскуну кыстатан, күөххэ үктэннэрбит. Сибиинньэлээх, кууруссалардаах, барыта тыа ыалын сиэринэн. Ат сүүрдүүтүнэн дьарыктана сылдьыбытын  ат сүүрдүүтүн сэҥээрээччилэр билэллэр. “Граҥҥа тиксэрим буоллар, ынахтары бэйэм көрөн-истэн атыылаһыам, таларга ийэбин да көмөлөһүннэриэм”, — диир бэрт эрэллээхтик уонна слайдаларынан көрдөрө-көрдөрө 2028 сылга диэри иитэр ынаҕын, сүөһүтүн хайдах элбэтэри, төһө үүтү ылыан сөбүн, дьиэ кэргэнин олоҕуттан бэрт сэргэхтик кэпсээтэ.

Куонкурус хамыыһыйата кыттааччыларга үгүс боппуруостары биэрэллэр эбит. Онон былааннарын көмүскүү киирээччилэр сүрдээҕин долгуйаллар. Куонкурус хамыыһыйатыгар министиэристибэ тутаах үлэһиттэрин сэргэ СӨ АККОР салайааччыта Александр Артемьев, Арассыыйа Дьахталларын хамсааһынын Саха сиринээҕи лиидэрэ Зарема Бочкарева, биллэр урбаанньыт Руслан Федотов, “Россельхозбаан”, “Сахаагроплем” тэрилтэ, Эргиэн палататын бэрэстэбиитэллэрэ уо.д.а. бааллар.

Сарсын атын улуустар бэрэстэбиитэллэрэ кыттаары бэлэмнэнэллэр. Икки күн уопсайа 104 киһи кыттара күүтүллэр.

Кыттааччыларга ситиһиилэри баҕарабыт!

Recent Posts

  • Интэриэһинэй
  • Сонуннар

Күннээҕи гороскоп: тохсунньу 10 күнэ

Бүгүн былааннары олоххо киллэрэргэ табыгастаах кэм. Бу күн бэрээдэги, эппиэтинэстээх буолууну ирдиир. Ол эрээри, Ый…

33 минуты ago
  • Сонуннар
  • Сүрүн

Хаар, туман, -57С кыраадыс тымныы

Саха сирин синоптиктарын иһитиннэриитинэн, бүгүн, тохсунньу 10 күнүгэр, өрөспүүбүлүкэҕэ соҕуруулуу-арҕаа, соҕуруу, илин өттүгэр кыралаан хаардыыр,…

2 часа ago
  • Култуура
  • Сонуннар

Дьурустаан: «Инникитин устуоруйаны сэҥээрээччилэр туһаныахтара…»

Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…

14 часов ago
  • Сонуннар
  • Чэгиэн

Тыыныынан эмтэнии

Доруобай буолуу төрдө. Тыыныынан эмтэнии биир саамай былыргы  ньымата -- хатха-йога.  Биһиги кэммитигэр биир сиргэ…

16 часов ago
  • Интэриэһинэй
  • Сонуннар

Тымныы кыһын буоларыгар

Күн-дьыл билгэтин төһө билэҕитий?  Бу туһунан И.М.Сосин  "Күн-дьыл билгэтэ" кинигэтигэр сиһилии суруллар.  Тымныы кыһын буоларыгар:…

17 часов ago
  • Сонуннар
  • Уопсастыба

ЫРЫСЫАП: “Сайаҕас” салаат

Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…

18 часов ago