Хаартыска: sakhagov.ru
2025 сыллааҕы «Агростартап» гранын куонкуруһун кыайыылаахтара билиннилэр. СӨ Тыа хаһаайыстыбатын министиэристибэтин иһитиннэриитинэн, 15 саҥа саҕалыыр фермер уопсайа 64 мөлүйүөн солкуобайдаах граннары ылыахтара.
Куонкуруска уопсайа 78 сайабылыанньа киирбит, олортон 61 сайабылыанньа көрүүгэ талыллыбыт. Кыайыылаахтар ахсааннарыгар икки анал байыаннай дьайыы кыттыылааҕа, байыастар дьиэ кэргэттэрин икки чилиэнэ, Арассыыйа Дьоруойдарын икки чугас аймахтара бааллар. Маны тэҥэ, кыайыылаахтар ахсааннарыгар Арктика зонатыгар баар Дьааҥы улууһун икки олохтооҕо киирдэ.
Өрөспүүбүлүкэ министиэристибэтэ докумуоннар ситиһиилээхтик оҥоһуллууларыгар ресурснай өйөбүл сүрүн оруоллааҕын бэлиэтээтэ: 15 кыайыылаахтан 12-тэ «Якутия» тыа хаһаайыстыбатын ресурснай өйөбүл киинин исписэлиистэриттэн сайаапкаларын бэлэмнээһиҥҥэ консультацияны уонна көмөнү ылбыттар.
Биир кыайыылаахха «Агростартап» гранын суумата хаһаайыстыба көрүҥүттэн көрөн, 1,5-тэн 8 мөлүйүөҥҥэ диэри тэҥнэһэр. Бырайыак уопсай сыанатыттан кырата 10%-гар кыттыгас үбүлээһин ирдэнэр. Үп-харчы сүөһүнү, тиэхиньикэни, сири атыылаһыыга туһаныллыан сөп.
2025 сыллааҕы куонкуруска сайаапкалары атырдьах ыйын 12 күнүттэн балаҕан ыйын 13 күнүгэр диэри «Электроннай бүддьүөт» порталын нөҥүө электроннай ньыманан ыллылар, быйыл уопсай грант үбүлээһинэ 64 мөлүйүөн солк. Баһыйар өттө — 60 мөлүйүөнтэн тахса солкуобай — федеральнай бүддьүөттэн киирэр. Кыайыылаахтары кытта грант дуогабара түһэрсиллиэҕэ.
«Агростартап» грана диэн саҥа саҕалыыр фермердэр ортолоругар биир саамай биллэр өйөбүл бырагыраамата. 2019 сылтан 2024 сылга диэри 166 кыттааччы граны ылбыта, бу сылларга бырагыраама уопсай үбүлээһинэ 547 мөлүйүөн солкуобайга тиийбит.
Түмүк боротокуолун тыа хаһаайыстыбатын министиэристибэтин саайтыттан булуохха сөп: https://minsel.sakha.gov.ru/api/containers/documents/download/7230-filename.
Анал байыаннай дьайыы кыттыылаахтарыгар анаммыт «Агромотиватор» грант 2025 сылтан саҕаланар, агробизнес хайысхатыттан көрөн, 3-тэн 7 мөлүйүөн солкуобайга диэри үбү биэрэр. Грант олоххо биирдэ эрэ ылыллыан сөп. Билигин анал байыаннай дьайыы тоҕус кыттылааҕа грант куонкуруһугар кыттарга бэлэмнэнэр. Грант бырагыраамата саҕаламмытын туһунан иһитиннэрии кэлин тахсыаҕа.
Сүрэххэ саамай туһалаах оҕуруот аһынан төгүрүк луук буоларын кардиолог быраастар быһаарбыттара. Ол курдук бу оҕуруот…
Бүгүн, балаҕан ыйын 26 күнүгэр, Мэҥэ Хаҥалас улууһун Бырама нэһилиэгэр суол саахала тахсыбытын туһунан ИДьМ…
Археологтар Дьокуускай куорат пааркатыгар былыргы киһи олорбут сирин буллулар. Бу туһунан ТАСС иһитиннэрэр. Быһа холоон …
Саха Өрөспүүбүлүкэтин Судаарыстыбаннаһын өрөгөйдөөх күнүн көрсө, балаҕан ыйын 26 күнүгэр, кырдьаҕас Чөркөөххө үтүө тэрээһиннэр ыытылыннылар.…
Ньурба улууһугар М.С.Егоров аатынан 1-кы №-дээх оскуолаҕа бастакы кылаас үөрэнээччитэ халтарыйан охтон эчэйбит. Ньурба улууһун…
Маринуйдаммыт хаппыыста Туох ирдэнэрий: хаппыыста – 5 киилэ, эриэппэ луук – 1 киилэ, моркуоп –…