«Агуша» оҕо пюретыгар кутталлаах бактериялар булуллубуттар

Лабораторнай эспэртииһэ индейка уонна куурусса амтаннаах «Агуша» оҕо пюретыгар оҕолору сүһүрдэр араас бактериялары булбут. Бу туһунан Life.ru иһитиннэрэр.

«Ыытыллыбыт чинчийии көрдөрбүтүнэн, бородууксуйаҕа B.cereus уонна B.polymyxa бактериялар булуллубуттар», — диэн суруйар Life.ru.

Бу микроорганизмнар киһини сүһүрдүөхтэрин сөп, холобур, оҕо хотуолуур, куртаҕа ыалдьар, сыптарыйар. Маннык инфекциялар кыһыл оҕолорго ордук кутталлаахтар. Кыһыл оҕо организма маннык патогеннай бактериялары утарар кыаҕа суох. Бородууксуйаны Нижний Новгород куоракка «Магнит» ситим маҕаһыыннарыгар атыылаһыллыбыттар.