Норуот маастарын күнүн чэрчитинэн А.Е.Кулаковскай-Өксөкүлээх Өлөксөй аатынан норуоттар доҕордоһууларын дьиэтигэр аҕыйах ахсааннаах хотугу норуоттар уонна Арктика мастардарын айар үлэлэрин, иис кистэлэҥнэрин ырытар «төгүрүк остуол» буолан ааста.
Онно өрөспүүбүлүкэ хоту уонна арктическай улуустарыттан уонна аҕыйах ахсааннаах норуоттар түөлбэлээн олорор соҕуруу оройуоннарыттан өрөспүүбүлүкэтээҕи Норуот маастарын күнүгэр кытта кэлбит маастардар бэйэлэрин санааларын атастастылар.
Ол курдук, Эбээн-Бытантай улууһуттан «Уран тарбахтар» иис бөлөҕүн салайааччыта Елена Васильева кэпсэтиини Түгэһиир эбээннэрин таҥастарын тигиигэ туһаайда.
Эбээннэр тигиилэрэ сахалар тигиилэриттэн туох уратылааҕын дьүүллэһии бэрт көхтөөхтүк барда.
Мииринэй улууһун Садын эбэҥки национальнай нэһилиэгин Сүльдүкээр сэлиэнньэтин балаһыанньатын туһунан Наталья Саввинова-Санаайа билиһиннэрбитин тэрээһин кыттыылаахтара бэрт болҕомтолоохтук иһиттилэр.
Эбэҥкилэр бэйэлэрин истэригэр олорор сирдэринэн-уоттарынан арахсаллар эбит.
«Төгүрүк остуолга» Камчатка кыраайын Петропавловскай-Камчатскай куоратыттан норуот уус-уран оҥоһугун маастара, чукча култууратын тарҕатааччы Лилия Асланова кыттыыны ылла.
Ити курдук, «төгүрүк остуол» кыттыылаахтара национальнай таҥастарын ис хоһоонун, өҥ араастаһыытын, ытыктанар кыылларын, араас ойууларын ис хоһоонун туһунан кэпсэтэн, бэрт үгүһү биллилэр, санааларын атастастылар, уопуттарын үллэһиннилэр.
Бүгүн, ыам ыйын 16 күнүгэр, саха литературатын устуоруйатыгар киирэр дьоһуннаах тэрээһин П.Ойуунускай аатынан Литература түмэлигэр…
Ыам ыйын 19 күнүгэр Дьокуускай куорат олохтоохторо «ЗаБег.РФ» Бүтүн Арассыыйааҕы полумарафоҥҥа кыттыахтарын сөп. Тэрээһин күнүс…
ИДьМ 2 №-дээх полициятын оперативниктара киин куоракка рестораны уоттуу сатаабыт 33 саастаах дьахтар буоларын быһаардылар.…
СӨ Дьарыктаах буолууга судаарыстыбаннай кэмитиэтэ анал байыаннай дьайыы кыттыылаахтарыгар уонна кинилэр дьиэ кэргэттэригэр анаан Кэлим…
РФ Бэрэсидьиэнэ Владимир Путин КНӨ бэрэссэдээтэлэ Си Цзиньпин ыҥырыытынан Кытай Норуодунай Өрөспүүбүлүкэҕэ икки күннээх судаарыстыбаннай…
Бэс ыйын 20 күнүттэн орто анал, үрдүк үөрэх тэрилтэлэригэр үөрэххэ ылыы саҕаланар. Быйыл тус сыаллаах…