Хаартыска: СӨ ИДьМ телеграм-ханаалыттан.
ИДьМ Мииринэйдээҕи отделын дьуһуурунай чааһыгар Таас Үрэх аттыгар баар ньиэби хостуур сиртэн биллибэт дьон аҕыс мөлүйүөн солкуобай суумалаах бульдозеры уорбуттарын туһунан иһитиннэрбиттэр. Бу туһунан СӨ ИДьМ пресс-сулууспата суруйар.
Холуобунай ирдэбил үлэһиттэрэ суһал-ирдиир үлэлэри ыытан, уорууга уорбаланар киһини быһаарбыттар. Бу Ленскэй куорат 39 саастаах олохтооҕо эбит. Эрдэ таһаҕас тиэйэр массыынаҕа суоппарынан үлэлээбит.
Барыллаан дааннайдарынан, уорбаланааччы суол кытыытыгар турар кафеҕа олорон сэлиэнньэттэн чугас сиргэ спецтиэхиньикэни хаалларбыттарын туһунан дьон кэпсэтиитин истибит. Икки ый ааспытын кэнниттэн үлэтиттэн уурайан баран, Ленскэйтэн Мииринэйгэ булдьозер уора диэн анаан кэлбит. Онно кини автокыраан, бырысыап кэпсэппит. Ол суоппардарыгар бэйэм бас билиибин дьаһайабын диэбит.
Харабыл суоҕун туһанан, тиэхиньикэ турар былаһааккатыгар холкутук киирбит уонна бульдозеры тиэйэн Ленскэйгэ илдьэ барбыт. Бу тиэхиньикэни бэйэтэ туттаары уорбут. Полицейскайдар ону булбуттар, сокуоннай бэрэстэбиитэлигэр тиэрдибиттэр.
Холуобунай дьыала тэриллибит.
Саха сирин яктарын -- Марталаах Таптал хаартыскаларын Италия аатырбыт "Vogue" сурунаалыгар бэчээттиэхтэрэ. Бу туһунан "Живые…
Саха сиригэр ааспыт сууккаҕа уон буруйу оҥоруу буолбутун туһунан СӨ Борокуратуурата иһитиннэрэр. Дьокуускайга 1981 с.т.…
Саха сирин кыраныыссатыгар Өлүөнэ өрүскэ ыам ыйын 2-5 күннэригэр муус хамсыыра күүтүллэр, оттон Дьокуускай диэки…
[gallery ids="49309,49310,49308,49307"]
Саха сиригэр суоппар суолга оҕолордоох эһэни көрөн, видеоҕа устубут. Бу туһунан "Охота и рыбалка в…
Бүгүн, муус устар 30 күнүгэр, Саха сирин сорох улуустарыгар +14 кыраадыс буолара күүтүллэр диэн УГМС…