sakha.gov.ru
Ааспыт сууккаҕа уопсайа 40 гект. иэннээх сири хаппыт сэттэ ойуур баһаара умуруорулунна. Ону сэргэ, биир ландшафтнай баһаары (уот хаппыт иэнэ 25 гект.) умуруордулар.
Уот көрдүгэннэрэ Алдан, Дьааҥы, Ленскэй, Таатта, Хаҥалас улуустарын сиригэр-уотугар умуруоруллубуттар. Бу туһунан СӨ экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев иһитиннэрдэ.
Маны сэргэ, биэс саҥа баһаар бэлиэтэммит. Уот хаппыт иэнэ 77 гектар. Бу Алдан, Ленскэй, Өлүөхүмэ оройуоннарыгар.
Бүгүн сарсыардааҥҥы иһитиннэриинэн, суукка саҕаланыытыгар өрөспүүбүлүкэ сиригэр-уотугар биэс ойуур баһаара баара бэлиэтэммитэ. Бу Ленскэй, Муома, Өлүөхүмэ, Эбээн Бытантай оройуоннарыгар. Ону таһынан Кэбээйи улууһугар биир ландшафтнай баһаар (2 гект.) баара этиллэр.
Баһаар кутталлаах сезона саҕаланыаҕыттан 263 ойуур баһаара (уот хаппыт уопсай иэнэ 29 682 гект.) умуруоруллубут.
—Як-40 «Метео» сөмөлүөт бэҕэһээ Амма, Уус Маайа, Чурапчы улуустарынан көттө. Бүгүн 12 салгын аала ботурууллуо. Ойуур уотун умуруорууга Ми-8 үс бөртөлүөт үлэлиэ, — диэн этэр Коноплев.
Сиһилии https://www.sakha.gov.ru/news/5245 манна киирэн көрүөххэ сөп.
СӨ Ил Дарханын уонна Бырабыыталыстыбатын пресс-сулууспата
Чурапчы улууһугар бэс ыйын 19-21 күннэригэр "Тоҕус томтор оонньуулара" диэн үгэскэ кубулуйбут дэгит күрэс ыытыллыаҕа.…
Бу күннэргэ Өймөкөөн улууһугар быйыл сайын оҕо сынньалаҥын уонна доруобуйатын бөҕөргөтүүтүн хааччыйыыга туһуламмыт үлэни тэрийиигэ…
Бүгүн, ыам ыйын 27 күнүгэр, Таатта улууһун Ытык Күөлүгэр Федор Охлопков аатынан култуура уонна сынньалаҥ…
Андреев Георгий Петрович СӨ урбаан, эргиэн уонна туризм миниистиринэн ананна. Бу иннинэ кини СӨ инновацияларга,…
Дьокуускайга полиция 4-с №-дээх отделыгар эмтиэкэ стойкатыттан табаары уорбуттарын туһунан фармацевтическэй хампаанньа бэрэстэбиитэлэ иһитиннэрбит. Хоромньу…
Бүгүн Арассыыйа бибилэтиэкэрдэрэ Бибилэтиэкэ күнүн бэлиэтииллэр. 1795 сыллаахха ыам ыйын 27 күнүгэр дойдубутугар бастакы национальнай…