«Аһаҕас кэпсэтиигэ» ИТ-исписэлиис тиийбэтин уонна хоту сибээс, интэриниэт мөлтөҕүн ыйдылар

Share

РФ цифровой уонна коммуникационнай сайдыытын миниистирэ Максут Шадаев «Цифровой алмаз» пуорум чэрчитинэн, «Аһаҕас кэпсэтии» форматынан барбыт тэрээһиҥҥэ ыйытыыларга хоруйдаата.

Тэрээһиҥҥэ ИТ-исписэлиистэр, өрөспүүбүлүкэ оҥорон таһаарааччы тэрилтэлэрин араас салааларын салайааччылара уонна иһитиннэриини маассабайдык тарҕатар сириэстибэлэр  үлэһиттэрэ кытыннылар.
Балтараа чаастаах кэпсэтиигэ миниистир бары ыйытыыга сөптөөхтүк хоруйдаата. Ыйытааччылар үксүн сибээс, ИТ-технологиялар сайдыыларын, онно хабааннаах исписэлиистэри бэлэмнээһин курдук билиҥҥи кэмҥэ турбут сытыы боппуруостары таарыйдылар.
Холобур, бырамыысыланнас тэрилтэтигэр дойдуга ылыллыбыт сааҥсыйаларынан омук технологияларын солбуйар Арассыыйа технологияларын туһаныыга көмө оҥоһуллуо дуо диэн ыйытыыга, миниистир алтынньыга бырайыактар испииһэктэрин бигэргэппиттэрин, онно бөдөҥ бырамыысыланнай тэрилтэлэр граҥҥа кыттан судаарыстыбаттан көмө ылыахтарын эттэ.
Суруналыыстар ыйытыылара эмиэ болҕомтоҕо ылылынна. Ол курдук, саҥа быраабыла киирбитинэн төһө хампаанньа ИТ-аккредитацияны ааспытын интэриэһиргээтилэр. Онуоха дойду үрдүнэн 17 тыһ. кэриҥэ хампаанньа регистрацияламмытын, 10 тыһыынчата араас биричиинэнэн ааспатаҕын эттэ. Ону тэҥэ кэлэр сылга министиэристибэ национальнай маассабай информациялар сириэстибэлэрин социальнай суолталаах бырайыактарыгар үп көрүө итиэннэ, иккиһинэн, төрөөбүт тылы сайыннарыыга ИТ-бырайыактар олоххо киирэллэрин өйүө дуо диэн ыйыттылар. Миниистир 2023 с. былааннаммыт бырайыактарга үп көрүллүө, оттон төрүт тыл туһунан эттэххэ, онно сыһыаннаах бырагыраамалар баалларын, ол гынан баран, чуолкайын өйдөөбөтүн эттэ.
Миниистир Максут Шадаев исписэлиистэри ахсааннарын элбэтии эрэ буолбакка, идэлэрин кэҥэтии наадатын эмиэ бэлиэтээтэ. «Бырагыраамалары оҥоруу ситиһиилээхтик барар буолан, онно сөптөөх исписэлиистэр бааллар, оттон робототехника, системнай инженерия, микроэлектроника, о.д.а өттүгэр чугастааҕы кэмҥэ анал исписэлиистэри бэлэмнииргэ үлэлэһиэхпит», – диэтэ Максут Шадаев.
Тыл этээччилэр үксүн тыа сиригэр, ыраах сытар улуустарга сибээс мөлтөҕүн, маннык киэҥ нэлэмэн сирдээх-уоттаах эрэгийиэҥҥэ сорох улууска суотабай да сибээс суоҕун этиннилэр. Онно эбии 40-50 кыраадыстаах тымныыга, улуустан улууска айаҥҥа тахсар быһылааннары тута биллэрэргэ сибээс хаппата сытыы боппуруос буолара эмиэ ахтылынна. Максут Шадаев эппитинэн, урут суотабай оператордар базовай ыстаансыйаларыгар эрэ холбонор абоненнары хааччыйар буоллахтарына, аны саҥа ылыллыбыт сокуонунан, аҕыйах киһилээх нэһилиэнньэлэргэ биир ыстаансыйаҕа бары суотабай абоненнара холбонор буолуохтара.

Кини уһук хоту сибээһи киллэриигэ үлүгэрдээх үп эрэйиллэрин, өрөспүүбүлүкэ бэйэтин кыаҕа кыратынан, бииргэ үлэлэһиигэ сүбэлэспиттэрин, уопсайынан ити боппуруос инники күөҥҥэ турарын эттэ.

Recent Posts

  • Сонуннар
  • Уопсастыба

Күн кутталлаах чааһа Сир диэки хайыста

Күн 4197 нүөмэрдээх куттааллах чааһа Сир диэки хайыста, диэн РНА Космос чинчийиилэрин институтун (КЧИ) Күн…

16 минут ago
  • Байыаннай эпэрээссийэ
  • Сонуннар

ХИФУ өйөбүлүнэн байыаннай дьайыы кыттыылаахтарын туһунан кэриэстэбил кинигэ бэчээттэниэ

Хотугулуу-Илиҥҥи федеральнай университет байыаннай дьайыы кыттыылаахтарын туһунан «Эһиги биһиги өйбүтүгэр-санаабытыгар хаалаҥҥыт, мэлдьи тыыннаах буолуоххут» диэн…

27 минут ago
  • Сонуннар
  • Тыа хаһаайыстыбата

«Дьокуускайдааҕы үүт собуота» сыыр сыаҕар саҥа сезону аста

Бу күннэргэ «Дьокуускайдааҕы үүт собуота» ХЭТ сыыр сыаҕар саҥа сезона үөрүүлээхтик аһылынна. Сыах 1996 сылтан…

57 минут ago
  • Быһылаан
  • Сонуннар

Анаабыр олохтооҕо аймаҕын сымыйанан үлэҕэ киллэрбитинэн сууттанна

Анаабыр улууһун Сааскылаах сэлиэнньэтигэр Мииринэй оройуонун суута таһаарбыт бириигэбэрэ сокуоннай күүһүгэр киирдэ. Дьахтар сулууспалыыр балаһыанньатын…

1 час ago
  • Сонуннар
  • Сүбэһит

СҮБЭҺИТ: Сүбүөкүлэ сэбирдэҕиттэн кэтилиэт

Сүбүөкүлэни хостоотоххутуна, эбэтэр сэбирдэхтээх эдэр сүбүөкүлэни атыыластаххытына, сэбирдэҕин быраҕымаҥ. Онтон олус минньигэс кэтилиэттэри бэлэмниэххэ сөп.…

1 час ago
  • Сонуннар
  • Сүрүн

Үөрэххэ туттарсыы эридьиэстэрэ

Үрдүк, орто үөрэх бүддьүөккэ миэстэлэригэр тутуу хампаанньата сүрүннээн түмүктэннэ. Онон чопчу да буолбатар, уопсай түмүгү…

2 часа ago