Ахсынньы 14-15 күннэригэр сылаас өрөбүл күннэр күүтэллэр
13.12.2024, 19:08
Хаартыска: СИА
Бөлөххө киир:
Саха сирин үгүс оройуоннарынан салгын температурата нуорматтан ортотунан 3-тэн 10 кыраадыска тиийэ үрдүк буолара сабаҕаланар.
Чугастааҕы өрөбүл күннэргэ, ахсынньы 14-15 күннэригэр, биир да нэһилиэнньэлээх пууҥҥа -50С кыраадыс тымныы буолара күүтүллүбэт. Бу туһунан Гидрометсулууспа начаалынньыга Татьяна Маршалик кэпсээтэ.
«Өрөспүүбүлүкэ биир да нэһилиэнньэлээх пуунугар чугастааҕы икки сууккаҕа -50С кыраадыс тымныы буолара күүтүллүбэт. Хотугулуу-илин, Арктика кытылынан халлаан сылыйар. Аллараа Халыма, Усуйаана уонна Аллайыаха оройуоннарынан илинтэн сылаас салгын маассата кэлэр. Чугастааҕы икки күҥҥэ хаар түһүө. Бу бириэмэҕэ салгын температурата нуорматтан олус үрдүк: түүн -20… -25С, күнүс -18… -23С кыраадыс тымныы. Муора кытылынан сөкүүндэҕэ 15-17 м түргэннээх тыаллаах, буурҕа түһэр», — диэн Маршалик кэпсээтэ.
Кэлэр өрөбүл күннэргэ Саха сирин арҕаа өттүгэр эмиэ нуорматтан үрдүк кыраадыс буолара күүтүллэр: «Ленскэй, Өлүөхүмэ уонна Мииринэй оройуонун соҕуруу өттүгэр салгын температуратын намтааһына күүтүллэр. Түүн салгын температурата барыллаан -30… -35С, оттон Мииирнэй оройуонун хоту өттүгэр -40… -45С тымныы буолара сабаҕаланар. Ленскэй оройуонугар күнүскү температура -10… -15С кыраадыс буолуоҕа уонна салгыы барыллаан -20… -25 тиийэ түһүө».
Киин оройуоннарынан, ол иһигэр Дьокуускайга өрөбүл күн аҕыйах хаардаах, былыттаах, туманнаах буолара сылыктанар.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: