Ахсынньы 2 күнэ: бүгүн -52°С кыраадыска тиийэ тымныйар

Саха сирин синоптиктарын сабаҕалааһыннарынан бүгүн, ахсынньы 2 күнүгэр, хотугулуу-арҕаа, соҕуруу оройуоннарынан, соҕуруулуу-илин, Уус-Маайа улууһугар күүскэ хаардыыр.

Алдаҥҥа, Нерюнгрига, хоту Мииринэй улууһугар сөкүүндэҕэ 15-20 м. түргэннээх силлиэ тыаллаах, Арктика кытылынан  сөкүүндэҕэ 18-23 м. түргэннээх тыаллаах, буурҕа түһэр.

Салгын температурата түүн киин улуустарга -32…-37°, арҕаа, хоту улуустарынан -41…-46°, хотугулуу-илин оройуоннарынан -47…-52°, соҕуруулуу-илин -28…-33°, күнүс -30…-35°, арҕаа, хоту оройуоннарынан -34…-39°, хотугулуу-илин -44…-49°, хотугулуу-арҕаа улуустарынан -22…-27° кыраадыс тымныы.

Дьокуускайга салгын температурата түүн -32…-34°, -29…-31°, кыралаан хаардыы, хотугулуу-арҕааттае сөкүүндэҕэ 2-7 м. түргэннээх тыаллаах.