Ахсынньы 25-26 күннэригэр тибии, буурҕа түһэрэ сабаҕаланар

Ахсынньы 25-26 күннэригэр тибиилээх, хоту, муора кытылынан сөкүүндэҕэ 15-20 м. түргэннээх буурҕа түһэрэ күүтүллэр. Бу туһунан Саха сиринээҕи УГМС саайта иһитиннэрэр.

Өрөспүүбүлүкэҕэ соҕуруу, Арктика улуустарынан, Халыма-Индигиир оройуоннарынан кыралаан хаардыыр, тибиилээх, сөкүүндэҕэ 9-14 м. түргэннээх тыаллаах, хоту муора кытылынан сорох сиринэн буурҕа түһэр, сөкүүндэҕэ 15-20 м. түргэннээх күүстээх тыаллаах. Арҕаа сорох улуустарынан кыралаан хаардыыр.

Салгын температурата түүн  -33-38°С, илин -39-44°С, хаар түстэҕинэ арҕаа, соҕуруу, хоту оройуоннарынан -23-28°С, күнүс -30-35°С, илин -35-40°С, арҕаа, хоту улуустарынан -17-22°С кыраадыс тымныы.