Ахсынньы 3 күнэ – Юрист күнэ

Ахсынньы 3 күнэ – Юрист күнэ

03.12.2022, 13:15
Бөлөххө киир:

Сыл аайы, ахсынньы 3 күнүгэр, дойду Бэрэсидьиэнэ В.В. Путин  130 №-дээх 2008 сыл олунньу 4 күнүнээҕи Ыйааҕынан юрист күнэ бэлиэтэнэр.

Юрист күнэ ахсынньы 3 күнүгэр олохтоммута, бу күн 1864 сыллаахха Арассыыйаҕа суут устааптара уонна атын да сокуон аакталарын сиэрийэтэ ылыллан, суут сүрүн реформата барбытын кытары сибээстээх. Чопчу бу күнтэн ыла 1917 с. диэри  юристар бэйэлэрин идэтийбит күннэрин бырааһынньыгынан ааҕар буолбуттара. Дьиҥэ юриспруденция Арассыыйаҕа наука быһыытынан 18 үйэҕэ баар буолбута. Бастакы быраап учуонайдара Петербурдааҕы наукалар академияларыгар үөрэммиттэрэ. Онтон 1755 с. Москубатааҕы университекка юридическай факультет арыллан, юридическай наука уонна үөрэхтээһин сайдыы саҥа тыынын ылбыта. 1802 с. Юстиция министиэристибэтэ тэриллибитэ. 19 үйэ саҥатыгар икки улахан суолталаах түгэн буолбута: Сокуоннар толору хомуурунньуктара уонна Арассыыйа импиэрийэтин сокуоннара түмүллүбүттэрэ итиэннэ 1864 с. суут реформата барбыта.

Оттон билиҥҥи Арассыыйаҕа юрист идэтэ эмиэ үрдүктүк тутуллар, сыл аайы саҥаттан саҥа юридическай хайысхалар киирэн иһэллэр – мировой судьуйалар, суут бириистэптэрэ, нотариустар, о.д.а. Юристар саҥа холбоһуктара, нотариальнай балааталар, ассоциациялар, о.д.а. хамсааһыннара баар буоллулар. Юрист күнэ – улахан уонна суолталаах, тоҕо диэтэххэ, биһиги дойдубутугар дьон көҥүлүн уонна быраабын харыстыыр араас эйгэҕэ үлэлиир юристары түмэр бырааһынньык буолар.

Юрист идэтин сүрүн сыалынан – сокуоннай быраабы олохтооһун. Юридическай салаа үлэһиттэриттэн – судьуйалартан уонна адвокаттартан, борокуруордартан уонна бириистэптэртэн сокуоннар туолаллара быһаччы тутулуктаах.

Бу күҥҥэ анаан элбэх араас тэрээһин ыытыллар. Ол иһигэр ахсынньы 3-12 күннэригэр VI Бүтүн Арассыыйатааҕы юридическай дьыктаан саҕаланна. Сүрүн тэрийээччинэн Арассыыйа юристарын ассоциацията буолар. Дьыктаан тест быһыытынан барар, онно ким баҕалаах кыттыан сөп, юрдиктант.рф. сайтка баар.  Барыта 40 ыйытыылаах, онно эппиэттииргэ 60 мүн. бэриллэр, сүрүн тиэмэтэ: РФ Конституцията, үлэ, гражданскай, дьиэ кэргэн бырааптара.

Хаартыска СИА архыыбыттан

Лента
Салгыы
29 января
  • -49°C
  • Ощущается: -49°Влажность: 62% Скорость ветра: 0 м/с

Сообщить об опечатке

Текст, который будет отправлен нашим редакторам: