Хаартыска: Дзен.
Ахсынньы 31 күнүгэр — 2024 сыл бүтэһик күнүгэр саҥа Ый үүнэр. Бу күҥҥэ «Хара Ый» диэн сэдэх астрологическай көстүү буолар эбит. Ол туох дьайыылааҕый?
Ахсынньыга — биир ый иһигэр Ый иккитэ үүнэр. Маннык көстүүнү «Хара ый» диэн ааттыыллар. Бу кэмҥэ Сир күлүгэр киирэн, халлааҥҥа Ый сүтэн хаалыаҕа, көстүө суоҕа.
Ый үүнэр кэмэ судургута суох кэм, күүстээх эниэргийэлээх, сорох дьон туохтан эрэ куттанара күүһүрэр, сорох ыарыыта бэргиир, үлэлиир кыаҕа намтыыр. Ол эрээри бу саҥа дьыаланы саҕалыырга тоҕоостоох кэм.
Ахсынньы 31 күнүгэр Ый үүнүүтэ астрологияҕа Чубуку бэлиэтинэн ааһар. Онон бу кэм Сир бэлиэлээхтэргэ бэртээхэй түгэннэри тосхойор. Бу кэмҥэ инники олоҕу стратегия быһыытынан толкуйдуур, былаанныыр тоҕоостоох. Биллэрин курдук, Чубуку (Козерог) сыалын ситиһэр, олус өһөс, тулуурдаах, үлэһит майгылаах. Оннук майгылаах дьон ситиһиилэниэхтэрэ.
Улахан баҕа санааны туолбутун курдук харахха оҥорон көрөн, Үрдүкү күүстэргэ махтаннахха, чахчы туолар дииллэр. Онон бу күүстээх эниэргийэлээх түүнү баҕа санаалары этэргэ туһаныахха наада. Маны тэҥэ, бу түүн Сир дьоно бары кэриэтэ баҕа санааларын этэллэр, Таҥаралартан көрдөһөллөр, онон кинилэр эниэргийэлэрэ, санаалара холбоһон, өссө күүстээх эйгэ үөскүүр. Бу алыптаах түүн бэйэ эрэ туһугар буолбакка, Сиргэ ил-эйэ олохсуйарын туһугар эмиэ көрдөһүөххэ, баҕа санааны этиэххэ наада.
Бүтэһигин «Хара ый» 2022 сыл муус устар 30 күнүгэр бэлиэтэммитэ. Аныгыскы «Хара Ый» 2027 сыл атырдьах ыйын 31 күнүгэр буолуохтаах. Ол иһин бу сэдэх астрологическай көстүү буолар.
Биэс сыллаах тохтобул кэнниттэн Судаарыстыбаннай Кириэмил дыбарыаһыгар бастыҥ устудьуоннарга, үөрэх олимпиадаларын, айар куонкурустар, спортивнай күрэхтэһиилэр…
Сыл саамай хараҥа, тымныы бастакы ыйын туһунан Тускул үгэс быһыытынан билгэлээтэ. - 2026 сыл -…
Мэҥэ Хаҥалас улууһугар биир киһи хаһыс да төгүлүн арыгы иһэн баран, массыынаны ыытан, сууттанна. …
Саҥа дьыл буолара үс эрэ күн хаалла. Эрдэттэн хааччымматах дьон билигин тугу бэлэхтиибит диэн толкуйга…
Бу күннэргэ Мэхээлэ Дьөгүөрэп аатынан сылын ахсын ыытыллар Бэрдьигэстээх нэһилиэгин баһылыгын сылы түмүктүүр "Бастыҥнар түһүлгэлэрэ"…
Ахсынньы 28 күнүгэр «Восточнай» космодромтан «Союз-2.1б» аракыата Саха сирин бастакы «Чолбон» кыра космическай аппарааты орбитаҕа таһаарда. Бу Саха сирэ…