Хаартыска: ЯСИА.
Ахсынньы-тохсунньу ыйдарга күнү-дьылы кэтээн көрөөччүлэр тугу бэлиэтээтилэр? Ханна ордук тымныы, сылаас этэй? Ханна тыалырда, ардаата?
Саха сирин үгүс өттүгэр ахсынньыга орто температура нуорматтан 1-6 кыраадыһынан тымныы, Халыма-Индигир улуустарыгар уонна Арктика кытылынан 1-4 кыраадыһынан, Халыма алын өттүгэр 8-10 кыраадыһынан сылаас этэ.
Хаар суоҕун кэриэтэ, хотугулуу-илин, соҕуруулуу-илин уонна соҕуруулуу-арҕаа син уонна нуорматтан 1,3-2 төгүл, Өймөкөөн улууһугар 3,8-4,8 төгүл элбэх түспүтэ.
Ахсынньы бастакы уонна иккис дэкээдэтигэр Өймөкөөн, Халыма улуустарыгар 6-15 кыраадыс ураты сылаас бэлиэтэммитэ. Өрөспүүбүлүкэ хотугулуу-арҕаа, арҕаа, соҕуруулуу-арҕаа, киин уонна соҕуруу улуустарыгар иккис уонна үһүс дэкээдэлэргэ нуорматтан 5-10°С-нан туорааһын баара.
Ахсынньы 14-15 күннэригэр өрөспүүбүлүкэ хотугулуу-илин өттүнэн Охотскай муораттан Илин-Сибиир муоратыгар кэккэ циклоннар ааһалларыгар, Халыма-Индигир улуустарыгар хаардаах тыал бэлиэтэммитэ, күүһүрэн ылар кэмигэр 16-18 м. тиийбитэ, ахсынньы 14 күнүгэр Аллараа Халыма улууһугар кыраадыс +2+3°С тиийэ тахсыбыта, ардах түспүтэ.
Ахсынньы 25-26 күннэригэр циклон кэлэригэр Булуҥ улууһугар 25-32 м. тиийэ тыалырбыта.
Саамай тымныы кыраадыс Өймөкөөн улууһугар Делянкир ыстаансыйатыгар ахсынньы 25 күнүгэр бэлиэтэммитэ, -59°С этэ. Онтон саамай сылаас – ахсынньы 14 күнүгэр Аллараа Халыма улууһун Черскэй бөһүөлэгэр, +3°С.
Дьокуускай куоракка ахсынньыга орто кыраадыс -41°С этэ, бу нуорматтан 4°С-нан тымныы буолар, 4 мм хаар түспүтэ – бу нуорматтан үс гыммыт биирэ.
Саамай тымныы түүн -50°С ахсынньы 16 күнүгэр аэропортка бэлиэтэммитэ, Гимеин ыстаансыйатыгар ахсынньы 26 күнүгэр -49 °С этэ. Ордук сылаас күн ахсынньы 6 күнүгэр буолбута, -27,0°С.
Тохсунньу бастакы дэкээдэтигэр үгүс улуустарга тымныы этэ, орто температура нуорматтан 1-4°С намыһах, хоту нуорматтан 5-10°С тымныйан, ураты тымныы быһыытынан бэлиэтэннэ. Соҕуруулуу-арҕаа, арҕаа улуустарга орто кыраадыс нуорматтан 1-7°С-нан үрдүк.
Бигэргэтиллибит чахчынан, бу ыйга орто кыраадыс нуормаҕа тэҥнэһэр. Сөбүгэр хаардыаҕа, өрөспүүбүлүкэ хотугулуу-арҕаас улуустарыгар нуорматтан аҕыйах түһүөҕэ.
Бу туһунан Саха сиринээҕи күнү-дьылы кэтээн көрөр сулууспа иһитиннэрэр.
Саҥа дьыл өрөбүллэригэр 34 саастаах Саха сирин олохтооҕо дьахтар хараҕын алҕас уһуктаах харандааһынан дэҥнээбиттэр. Харандаас…
Уус Маайа борокуратуурата анал байыаннай дьайыы кыттыылааҕын суут бириистэптэрэ дьиэтиттэн таһаарбыттарын туһунан иһитиннэриини бэрэбиэркэлээтэ. Борокуратуура…
Адьырҕа кыыллар хаһаайыстыбалаах дьоҥҥо улахан хоромньуну оҥороллор. Булуҥҥа быйыл кыһын устата ыстааданы буулаабыт бөрөлөрү өлөрбүттэр.…
Быйыл саха норуодунай суруйааччыта Николай Егорович Мординов-Амма Аччыгыйа төрөөбүтэ 120 сылын туолар. Тохсунньу 15 күнүгэр…
Тохсунньу 17 күнүгэр Дьокуускайга Күөх хонууга Кириһиэнньэ сөтүөтүгэр анаан балааккалары туруоран саҕалыылларын туһунан Саха сирин…
“Ама, бу үүтээн дуо?” диэн ыйытыылаах видео социальнай ситиминэн тарҕаммыта ыраатта. Чахчы, “Бөрө үүтээнэ” ыалдьыттыыр…