Быйыл ахсынньыга Дьокуускайга Н.О. Кривошапкин аатынан 5-с №-дээх оскуола саҥа эбии тутуу дьиэтэ (пристрой) үлэҕэ киириэҕэ.
— Эбийиэк «2021-2024 сылларга Саха сиригэр уопсай үөрэх тэрилтэлэригэр эбии миэстэни оҥоруу» бырайыак чэрчитинэн тутуллар.
Бу күннэргэ оскуолаҕа миэбэли уонна туттар тэрили таҥан бүтэрдилэр. Уопсайа 2185,58 кв. миэтэрэ иэннээх үс мэндиэмэннээх эбии куорпуска орто сүһүөх уонна үрдүкү кылаас үөрэнээччилэрэ — барыта 274 оҕо үөрэниэҕэ. Билигин оскуолаҕа 1464 оҕо үөрэнэр. Кылаас аайы 40-тан тахса үөрэнээччи икки симиэнэнэн үөрэнэр. Саҥа эбии тутуллубут дьиэ урукку оскуоланы кытта анал көрүдүөрүнэн холбонор.
Манна 45 миэстэлээх аһыыр хос, үөрэнэр кэбиниэттэр, лабораториялар, учууталлар хосторо, социальнай педагог, психолог кэбиниэттэрэ, хореографическай кылаастар бааллар.
Сайын оскуола иһинэн үлэлиир лааҕырга эмиэ туттуллуохтаах лингафоннай кэбиниэт кондиционердаах буолуоҕа.
Эти хааны-чэбдигирдэр туспа саала — оскуола биир киэн туттуута.
Н.О. Кривошапкин аатынан оскуола 2004 сыллаахха киириэҕиттэн өрөмүөнү бара илик. Онон муус устартан билигин үлэлии турар оскуола өрөмүөҥҥэ барыаҕа, — диэн кэпсээтэ оскуола дириэктэрэ Алексей Семенов.
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…