Ахсынньыга аҕам саастаахтар биэнсийэлэрин иккитэ ылыахтара

Ахсынньы ыйга аҕам саастаах кырдьаҕастар биэнсийэни иккитэ ылыахтара.  Биэнсийэлэрин ый бастакы аҥарыгар ылааччылар ахсынньы, тохсунньу ыйдааҕы төлөбүрдэрэ биир ыйга ааҕыллан кэлиэҕэ. Бу туһунан «Известия» суруйар. 

Биэнсийэ төлөбүрэ ахсынньы ыйга сыл ахсын хас үлэ күнэ уонна өрөбүллэр баалларыттан тутулуктанар. «Мир» каартаҕа биэнсийэлэрин ылааччыларга биэнсийэлэрин урукку болдьоҕунан ылыахтара. Арай биэнсийэ бэриллэр күнэ өрөбүлгэ түбэстэҕинэ, төлөбүрдэрин арыый эрдэ ылыахтарын сөп. Онон ый 10-с чыыһылатыгар биэнсийэлэрин ылар дьон тохсунньу ыйдааҕы төлөбүрдэрин ахсынньы бүтүүтэ тутуохтара.

Судаарыстыбаннай Дуума сокуонунан, тохсунньу бастакы күнүттэн биэнсийэ сууммата 7,5% индексацияланан кэлиэҕэ. Онон ахсынньы бүтүүтэ Арассыыйа биэнсийэлээхтэрэ төлөбүрдэрин саҥа усулуобуйанан ылыахтара.