Хаартыска: ЯСИА, Мария Васильева
Бу сыл ахсынньытыгар, сэтинньигэ биэнсийэлэрэ үрдүүр быраабы ылбыт Арассыыйа гражданнарыгар төлөбүрдэрин саҥаттан хос ааҕыахтара (перерасчет). Бу туһунан Госдуума дьокутаата, Дьоҕус уонна орто урбаан кэмитиэтин чилиэнэ Алексей Говырин ТАСС иһитиннэрдэ.
Дьокутаат быһаарбытынан, уларыйыы 80 саастарын туолбут, бастакы группалаах инбэлиит буолбут, үлэлэрин тохтоппут, ону тэҥэ иитиллээччилэрдээх эбэтэр олорор сирдэрин коэффициена уларыйбыт дьоҥҥо сыһыаннаах. Говырин чопчулаабытынан, сэтинньигэ 80 саастарын туолбут дьон страховой биэнсийэлэригэр бигэргэтиллибит төлөбүр ахсынньыттан икки төгүл улаатан, 17 815,40 солкуобай буолуоҕа. Ону таһынан, дьокутаат санаппытынан, көрүү-харайыы иһин эбии төлөбүр ананар: страховой биэнсийэни ылааччыларга – 1 314 солкуобай, судаарыстыбаннай биэнсийэни ылааччыларга – 1 377 солкуобай.
Бастакы группалаах инбэлииттэргэ эмиэ биэнсийэ бигэргэтиллибит чааһа икки төгүл улаатар уонна ый аайы төлөнөр кэмпэнсээссийэ көрүллэр. Социальнай пуонда систиэмэтигэр дааннайдар киирбиттэрин кэннэ автоматическайдык ананар. Уһук Хоту оройуоннарыгар уонна онно тэҥнээх сирдэргэ оройуон коэффициенын учуоттаан, түмүк суума өссө улаатар. Эспиэр өссө быһаарбытынан, сэтинньигэ үлэлэрин тохтоппут биэнсийэлээхтэр ахсынньыттан, үлэлиир кэмнэригэр ыытыллыбыт индексациялары барытын учуоттаан, биэнсийэлэрин толору кээмэйинэн ылан барыахтара. Биэнсийэни саҥаттан ааҕыы сайабылыанньата суох, Социальнай пуонда үлэ биэрээччиттэн сибидиэнньэни ылбытын кэннэ оҥоһуллар.
Информация хойутаан киирбит түгэнигэр, биэнсийэлээххэ көтүппүт ыйдарын иһин эбии төлөбүр ааҕыллар. Итини таһынан, ахсынньыга сэтинньигэ үлэҕэ кыаммат иитиллээччилэммит дьон төлөбүрдэрэ саҥаттан ааҕыллыаҕа. Биэнсийэ бигэргэтиллибит чааһыгар биир иитиллээччигэ 2 969 солкуобай, икки иитиллээччигэ – 5 938 солкуобай, үс иитиллээччигэ – 8 907 солкуобай эбиллэр.
Бүгүн субуота, сынньалаҥ үтүө күнэ. Ыксаабакка, сүүрбэккэ-көппөккө, дуоһуйа сынньаныҥ. Чугас дьоҥҥут аттыгар буолуҥ, сүрэххит этэрин…
Бу күннэргэ күн-дьыл туруга хайдаҕый? Соҕуруулуу-арҕаа, илин улуустарга, Халымаҕа, Өймөкөөҥҥө кыра хаардаах буолара күүтүллэр. Арктика…
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…