Ахсынньынан күнү-дьылы билгэлиэҕиҥ

Ахсынньы биир хабараан, тоһуттар тымныылаах ыйынан биллэр. Былыргылар ахсынньы бэс ыйын батыһар дииллэр. Онон аны сайыммыт, күммүт-дьылбыт хайдах буолуон билгэлээн көрүөҕүҥ.

Чопчу күннэринэн билгэлээһин:

Ахсынньы 12 күнүгэр буурҕа түстэҕинэ, бу ый 19-гар диэри сэттэ хонуктаах силлиэ түһэр. Халлаан кыыстаннаҕына тыал түһэр.

Ахсынньы 29 күнүгэр кыраһа түстэҕинэ – ичигэс, тымныы күүһүрдэҕинэ тохсунньу 19 күнүгэр диэри халлаан тымныйар.

Уопсай билгэлээһин:

— Ахсынньыга тымныы, хаара суох буоллаҕына, бэс ыйыгар кураан буолар.

— Ахсынньы хаардаах уонна сылаас буоллаҕына, сайын саҕаланыытыгар тымныйар.

— Ахсынньылаах тохсунньуга тыалырдаҕына, бэс уонна от ыйдарыгар хаһыҥнар түһүөхтэрэ.

— Кыһын буурҕалаах буоллаҕына, сайына ардахтаах.

— Кыһын былыттар тыалы утары устар буоллахтарына, соторунан хаар түһэрин бэлиэтэ.

— Кыһын кырыалаах буоллаҕына, сайына ардахтаах.

— Кыһын ойбон уута модьоҕотун таһынан тамныыр буоллаҕына, кэлэр сайын ардахтаах буолар.

— Кыһын хаар көмнөҕө маска элбэх буоллаҕына, сааһыгар үрэхтэргэ, алаастарга уу элбэх буолар.

(«Сахалыы күнү-дьылы билгэлээһин» уонна «Күн-дьыл эргиирэ» кинигэлэртэн).