Ахсынньытааҕы хамнаһы ким эрдэ ыларый?

Ахсынньытааҕы хамнаһы болдьоҕун иннэ, төлөнөр күнэ Саҥа дьыллааҕы бырааһынньыктарга түбэстэҕинэ, ылар кыах баар. Бу туһунан «Прайм» ааҕыныстыбаҕа КРОС хампаанньа каадырга дириэктэрэ Сергей Муравьев иһитиннэрдэ.

Эспиэр бэлиэтээбитинэн, сорох хампаанньалар төлөбүрдэри тохсунньуга көһөрөллөр, ол эрээри үксүгэр кинилэр ааһан эрэр сыл бары төлөбүрдэрин тохсунньу 1 күнүгэр диэри оҥоруохтарын баҕараллар. Уонна эбиитин, сорохторго харчы тобоҕун аныгы сылга көһөрөр бобуулаах буолар.

«Ол иһин ахсынньыга ксүлэрэ биирдэ үс төлөбүрү ылаллар: сэтинньи ыйдааҕы хамнаһы, ахсынньытааҕы абаансаны уонна ахсынньытааҕы хамнаһы. Оттон бириэмийэ төлөнөр хампаанньаларыгар, ону эмиэ үгүстүк төлүүллэр», — диэн Муравьев кэпсээтэ.

Онуоха, хамнас бэриллэр күнэ үүнэр сыл тохсунньу 12 күнүттэн саҕаланар үлэ күннэригэр түбэстэҕинэ, хамнаһы болдьоҕун иннинэ кэтэһэр наадата суох. Тоҕо диэтэххэ, үлэ биэрээччи ону эрдэттэн биэрэр бырааптаах, ол эрээри эбээһинэһэ суох. Бу иннинэ чинчийээччилэр быһаарбыттарынан, дойду хас иккис олохтооҕо сыл бүтүүтэ уон үһүс хамнаһы эбэтэр бириэмийэни ыларга эрэнэр.