Ахсынньы 1 күнүттэн уот сыаната дойдуга бүтүннүүтүгэр үрдүүрүн туһунан Сыана бэлиитикэтигэр судаарыстыбаннай кэмитиэтэ иһитиннэрдэ.
Кэмитиэт бэрэссэдээтэлэ Антонина Винокурова этэринэн, тарыыбы үрдэтии 2023 с. от ыйыгар оҥоһуллуохтааҕын 2022 с. ахсынньы 1 күнүгэр көһөрүллүбүт эбит. Бу үрдээһин Арассыыйа нэһилиэнньэтигэр бүтүннүүтүгэр оҥоһуллуо. Дьиҥэр, өрөспүүбүлүкэ киин улуустарыгар Уһук Илин ыстаансыйаларын ноҕуруускатынан көрөн, ый аайы уларыйа сылдьара, ол гынан баран, бу үрдээһининэн даҕаны, сылга 12-14 % үрдүө суоҕа диэн быһаардылар. Оттон Арктика атын туһанааччыларыгар уонна предпринимателлэригэр тарыыбы тэҥниир мэхэньиисим оннунан хаалыа, кинилэргэ РФ Бырабыыталыстыбатынан бигэргэтиллибит олохтоммут тарыып улаатыыта 9%-тан тахсыа суоҕа.
Бүддьүөт ороскуотун улаатыннарыы иккис көрүҥүнэн уокка тарыыбы тэҥнээһиҥҥэ субсидияны ааҕыы ньымата уларыйбыта буолар. Онон аны Арктика зоналарыгар олорооччулар уот тарыыба урут атын туһанааччылар суоттарыгар оҥоһуллар буоллаҕына, билигин тарыып араастаһыыта өрөспүүбүлүкэ бүддьүөтүн суотугар үбүлэниэ. Маннык ньыма Уһук Илин бары ыаллыы сытар эрэгэйиэннэригэр туттуллар эбит.
Дьэ онон, сылааһы биэриигэ тарыып биллэрдик үрдээбитинэн Өрөспүүбүлүкэ Баһылыгын сорудаҕынан Сыана бэлиитикэтигэр судаарыстыбаннай кэмитиэтэ чэпчэтиилээх тарыыптар тустарынан өрөспүүбүлүкэ сокуонугар уларытыылары киллэриини бэлэмнээтэ.
Нам улууһугар олунньу 15 күнүгэр СӨ хапсаҕайга федерациятын президенэ Николай Румянцев бирииһигэр республикатааҕы «Эҥсиэли хапсаҕайа»…
Өрөспүүбүлүкэҕэ “Саха сирэ – дьоруойдар дойдулара” каадыр бырагыраматын олоххо киллэрии бара турар. Барыл кыттыылаахтара өрөспүүбүлүкэ…
Хапкааҥҥа атаҕыттан хаптарбыт бэдэри "Халыма" федеральнай суолугар Чурапчы уонна Мэҥэ Хаҥалас улуустарын икки ардыгар суоппардар…
СӨ бырабыыталыстыбатын бэрэссэдээтэлин солбуйааччы Георгий Степанов салайааччылаах отчуоттуур бөлөх Туойдаах нэһилиэгин олохтоохторун иннигэр ааспыт сыллааҕы…
Бүгүн, олунньу 16 күнүттэн, вице-премьер Сергей Местников салайааччылаах СӨ бырабыыталыстыбатын бөлөҕө Ньурба улууһугар үлэлиир. Оробуочай…
Ааспыт өрөбүл күннэргэ Дьокуускай куоракка 11 суол быһылаана тахсан, биир киһи эчэйдэ. Олунньу 14 күнүгэр …