Ааптар хаартыскаҕа түһэриитэ
Аһымаҕа былырыын бырабыыталыстыба отчуотугар 20 боппуруос киирбитэ. Бу балартан хаһа туолла?
Уһуйааҥҥа бу сайын хапытаалынай өрөмүөн ыытыллыаҕа. Элбэх уһуйаантан, оскуолаттан сайаапка киирэр эрээри, докумуона үчүгэйдик оҥоһуллан, быйыл Аһыма уһуйааныгар бэрилиннэ.
Тураҥ сайылыгар уоту тардыы быйыл киириэҕэ. Оптоволоконнай сибээһи тупсарыы боппуруоһугар: Дьокуускайтан өссө биир лииньийэ кэлэн, Бүлүүгэ диэри төгүрүччү ситим барыаҕа. Оччотугар сибээс бөҕөргүөҕэ.
Байыаннай дьайыы кыттыылаахтара субсидиянан дьиэ ылалларыгар көмөлөһөр кыахтаахтар, үлэлэһиэххэ наада. Бу боппуруостар быһаарыллыбыттар.
120 төбө турар хотон тутуутун туруорсубуттара, билиҥҥитэ быһаарылла илик. Тыа хаһаайыстыбатыгар боломуочуйа улуустарга бэрилиннэ, онон кооперация боппуруоһун быһааран, үлэлиир киһи көстөр буоллаҕына, быһаарыллыан сөп.
Сорох боппуруостары быһаарыыга үлэ бара турар. Сорохтор быһаарыллар кыахтара суох. Холобур, »ФАП быраастаах амбулатория буолуон сөп дуо?» диэн ыйытыы киирбитэ. Кыра нэһилиэктэргэ ФАП быраастаах амбулатория кыайан буолбат. 2028 сылга саҥа дьиэтин тутууну туруорсуохха наада.
Федеральнай суолга видеонан кэтээн көрүүнү туруорсубуттара. Саахал тахсар учаастагар киирсибэт буолан, бырагыраамаҕа хапсыбат, ол эрээри суол бэлиэлэрэ турбуттара.
Нина Капитонова, уһуйаан үлэһитэ:
— Биһиэхэ хапытаалынай өрөмүөн кэнниттэн иһити-хомуоһу, миэбэли саҥардыы барыа дуо? — диэн ыйытта.
»Утары үбүлээһининэн улуус дьаһалтата учуоттаан, үлэлэһэр. Улуус бүддьүөтэ, былырыыҥҥыга тэҥнээтэххэ, кыччаабата. Онон эбии харчы көрүллүөн сөп», — диэн хоруйдаатылар.
»Быраатым байыаннай дьайыыга сылдьыбыта, контузияламмыта, ол эрээри докумуонун кыайан ылбакка сылдьар. Онно көмөлөһүөххүт дуо?» — диэн ыйытыы киирдэ. Маны быһаарсыах буоллулар.
Түмүккэ Аһыма олохтоохторо бырабыыталыстыба үлэтин биһирииллэрин биллэрдилэр.
Отчуоту истэ кэлбит дьоҥҥо СӨ норуодунай артыыстара, төрүт култуураны тарҕатааччылара Клавдия, Герман Хатылаевтар ылбаҕай ырыаларын бэлэхтээтилэр.
Ангелина Васильева.
Ааптар түһэриитэ.
Бэҕэһээ социальнай ситимнэринэн Дьокуускай куорат ЯКСМК оройуонугар "пробкаҕа" тохтоон турар массыынаттан эр киһи тахсан, илиитигэр…
Ахсынньы 29 күнүгэр Хаандыга бөһүөлэгэр Томпотооҕу "Светлячок" социальнай реабилитационнай киин оҕолоругар Ил Түмэн дьокутаата Виктор…
Бүгүн сарсыарда "Бүлүү" федеральнай суол 764-с килэмиэтиригэр дьон эчэйиилээх массыына саахала буолла диэн СӨ Быыһыыр…
Соторутааҕыта Ил Дархан Айсен Николаев Кириэмил дыбарыаһыгар “Баҕа санаа харыйата” тэрээһиҥҥэ кыттыыны ылбыта. Бу туһунан…
Саха сиригэр ааспыт сууккаҕа түөрт буруйу оҥоруу буолбутун туһунан СӨ Борокуратуурата иһитиннэрэр. Амма улууһун Өнньүөс…
Таксыы, ОДьКХ төлөбүрдэрин, маркетплейстэртэн табаар сакаастааһыны куттала суох хайдах төлүүбүт? Баан каартатын дааннайдарын түөкүттэр туһамматтарын…