Аһымаларга отторо тиэллэн кэлбит

Горнай улууһун Аһыма сэлиэнньэтигэр бу күннэргэ уопсайа 71 туонна оту Хаҥалас улууһун Уулаах Ааныттан тиэйэн бүтэрдилэр.

Ону тэҥэ бааһынай хаһаайыстыба баһылыга Петр Данилов  эмиэ Өктөмтөн от атыылаһан, тастара сылдьар. Петр Петрович куорат таһыгар Былдьаһыктаах диэн сиргэ сайын сир арыандалаһан, оттообута. Ол отун эмиэ тастарар. Онон аһымалар суолу былдьаһа отторун хааччыннылар диэххэ сөп.

Кировскай нэһилиэгин тыа хаһаайыстыбатын исписэлииһэ Станислав Андреев иһитиннэрбитинэн, олунньу 18 күнүнээҕи туругунан, нэһилиэккэ 15 ынах төрөөбүт. Онон маассабай төрүөх сыыйа саҕаланан эрэр. “Сүөһү  төрөөтөҕүнэ, үүт туттарыыта да эбиллиэ”, — диир Станислав Яковлевич.

Хаартыска: С.Андреев