Горнай Аһыматын чугаһыгар сир хамсаабыт

Бэҕэһээ, балаҕан ыйын 24 күнүгэр, Горнай улууһун Аһыма нэһилиэгиттэн хотугулуу-арҕаа 30 км тэйиччи сир хамсаабыт. Бу олохтоох бириэмэнэн 09:05 чааска буолбут диэн Арассыыйа наукаларын академиятын Саха сиринээҕи салаата иһитиннэрэр. 

Сир хамсааһына МСК шкалатынан 3-4 бааллаах диэн суруйаллар.

Исписэлиистэр бэлиэтииллэринэн, 2025 сылга Горнайга иккиһин сир хамсаабыт. Бу иннинэ тохсунньу 16 күнүгэр эмиэ Аһыма аттыгар хамсаабыт.