Аһыҥаны күһүҥҥү кэтээн көрүү

Саха сиригэр аһыҥа тыа хаһаайыстыбатыгар таһаарар содула кырата суох. Онон аһыҥаны күһүҥҥү кэтээн көрүү эмиэ ыытыллар эбит. “Россельхозцентр” тэрилтэ Мэҥэ Хаҥаластааҕы отделын сүрүн агронома Туяра Шестакова ол ыытыллар үлэ туһунан маннык иһитиннэрдэ.                  :

— Аһыҥаны күһүҥҥү кэтээн көрүүнү ыыттыбыт. Ол курдук, 3567 гектарга чинчийилиннэ. Чинчийиинэн Ходоро, Хорообут, Доллу, Догдоҥо, Төҥүлү, Араҥас нэһилиэктэрин хаптыбыт. Аһыҥа туруон сөптөөх сирдэрин эмиэ маннык бэрэбиэркэлээччибит.

Ону тэҥэ хортуоппуй, бурдук суортарын хаачыстыбатыгар бэрэбиэркэ ыыттыбыт. Хортуоппуйу — 65,3 гектарга, бурдугу – 1408 гектарга. Бу чинчийии түмүгүнэн хортуоппуй, бурдук хаачыстыбаларыгар бары сөп түбэһэллэрэ бэлиэтэннэ.