Аһыы утах иһэн баран, биһилэҕин сүтэрбит

СӨ ИДьМ Дьокуускайдааҕы полиция 1-кы №-дээх отделыгар биир киһи 70 тыһ.солк. суумалаах кыһыл көмүс биһилэҕин уордарбытын туһунан иһитиннэрбит.

Суһал-ирдиир тэрээһиннэр кэннилэриттэн уорбаланааччыны быһаарбыттар. Бу — эрдэ сууттана сылдьыбыт 31 саастаах эр киһи эбит.

Быһаарыллыбытынан, эмсэҕэлээччи билэр киһитин кытта аһыы утах испиттэр. Утуйбутун кэнниттэн аннараа киһи тарбаҕыттан биһилэҕин устан ылбыт.

Уоруллубут төннөрүллүбүт. Холуобунай дьыала тэрилиннэ.