Хаартыска: Өрөспүүбүлүкэтээҕи 2 №-дээх балыыһа пресс-сулууспата
Өрөспүүбүлүкэтээҕи 2 №-дээх балыыһа — суһал мэдиссиинискэй көмө киинин травма-пуунугар бу сыл тохсунньу саҥатыттан кулун тутар 26 күнүгэр диэри 7 тыһыынча кэриҥэ киһи көмөҕө наадыйбыт.
Ол иһигэр, суол-тырааныспар саахалын кэнниттэн — 77, күлүгээннээһинтэн — 159, уулуссаҕа эчэйииттэн — 2950, олоххо-дьаһахха тахсыбыт түбэлтэттэн — 2989, успуорт кэмигэр — 46, үлэҕэ-хамнаска — 44.
Ону таһынан травматолог-быраастартан көмө көрдүү аралдьытар кииннэртэн уонна пааркалартан (муус сыыртан) кэлэллэр.
«Халтарыйбат уллуҥнаах уонна протекторнай рельефтаах атах таҥаһын талыҥ. Онтон кэрэ аҥаардар үрдүк хобулуктан аккаастаныахтарын наада. Кыратык хардыылаан хаамаргытыгар сүбэлиибин. Илиилэргит тирэхтээх буоларгытыгар көмөлөһөллөр. Ол иһин, төһө кыалларынан, тутуура суох сылдьа сатааҥ уонна илиигитин хармааҥҥытыгар угумаҥ. Сатыы киһи сылдьар сирин кытыытыгар уонна тохтобулга суолтан чугас турумаҥ, мэдиссиинискэй тэрилтэлэртэн тахсаргытыгар бахиллаҕытын устаргытын умнумаҥ, оптуобуска киирэргитигэр-тахсаргытыгар сэрэхтээх буолуҥ. Кирилиэһинэн түһэргитигэр хайаан да кирилиэс сыҥаһатыттан тутуһуҥ, дьиэҕэ да, уулуссаҕа да кафелынан хаамаргытыгар ордук сэрэхтээх буолуҥ. Үлэҕэ бараргытыгар-кэлэргитигэр ордук бириэмэни саппааһыран, аа-дьуо хааман тиийиҥ. Ыксыыр кэмҥэ эчэйэр куттал өссө улаатар, бигэ тирэҕи сүтэрии олоххо кутталы үөскэтэр. Эчэйэр түбэлтэҕитигэр бэйэҕит билэргитинэн эмтэнимэҥ, хайаан да мэдиссиинискэй тэрилтэ өҥөтүнэн туһаныҥ. Доруобай буолуҥ, бэйэҕитин харыстааҥ”, — диэн Травма киинин поликлиникаҕа отделениетын сэбиэдиссэйин э.т. Айаал Федоров сүбэлиир.
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников, РФ Бэрэсидьиэнин Владимир Путин пресс-кэмпириэнсийэтин түмүктэринэн Саха…
Бу сыл ахсынньы 18 күнүгэр Уус-Маайа улууһун суута Элдьикээн бөһүөлэгин олохтооҕор РФ ХК 111-с ыстатыйатын…
Былаас бэрэстэбиитэллэрэ, бырамыысыланнас хампаанньаларын салайааччылара уонна байыаннай дьайыы кыттыылаахтара хамсанар кыахтарын сүтэрбит буойуннарга көмө оҥоруутун…
Ахсынньы 23 күнүгэр Дьокуускай бириэмэтинэн күнүс 12:00 чааска Айсен Николаев сыл аайы оҥоһуллар Ил Түмэҥҥэ…
В.П.Решетников аатынан кырдьаҕастар уонна инбэлииттэр өрөспүүбүлүкэтээҕи интэринээт-дьиэлэригэр олорооччулар күннэрэ бэйэ-бэйэтигэр маарыннаһар: биир кэм бэрээдэктээх күннэр,…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Өтөх төҥүргэстээх" …