ВИДЕО: Айаал Лазарев ММА ситиһиилээхтик кытынна

Үс Олимпийскай оонньуулар кыттыылааҕа, көҥүл тустууга Азия чөмпүйүөнэ Айаал Лазарев АХШ-гар булкаас биир бииргэ киирсии HFC турнирга кытынна.

Саха аатырбыт бөҕөһө тэхиниичэскэй нокаутунан Моралес Майкы кыайда. Айаал утарсааччытын охторон түһэрэн, хас да күүстээх охсууну оҥорбут. Билигин саҥа саҕалаабыт спортсмен ММА-ҕа профессиональнай рекордун 1-0 ахсаанынан саҕалаата. Бу туһунан «Спорт Якутии» саайт суруйар.