Хаартыска: ЦСП "Триумф"
Тустуук Айаал Лазарев Кытайга буолбут Азиатскай оонньуулартан боруонса мэтээллээх дойдутугар төнүннэ. Саха спортсмена аны олимпийскай оонньууларга путевка ылаары лицензионнай турнирдарга кыттарга туруммутун туһунан СИА-ҕа кэпсээтэ.
«Азиатскай оонньууларга Кыргызстаҥҥа уонна Осетияҕа бэлэмнэммитим. Өр кэмҥэ күрэхтэһиилэргэ кыттыбатах буолан, тустар баҕабын сүтэрбэт улахан суолталаах этэ. Азиатскай оонньуулар олус далааһыннаахтык ыытылыннылар. Холобур, олимпийскай дэриэбинэ 2020 сылга Токио куоракка буолбут оонньуулартан икки төгүл улахан этэ. Көмүс мэтээл кыайыахпын баҕарбытым, ол да буоллар мэтээл аата мэтээл. Дьаныардаах үлэттэн кэлэр.
Биир дойдулаахтарым миигин өйүүллэрэ, кыайыыбыттан үөрэллэрэ санаабын олус көтөхпүтэ. Кыратык сынньанан баран салгыы кулун тутар, муус устар ыйдарга буолар лицензионнай турнирдарга бэлэмнэнэн саҕалыаҕым. Бу күрэхтэһиилэргэ үчүгэй көрдөрүүлээх кыттыахтаахпын, оччоҕуна олимпийскай оонньууларга путевка ылабын», — диэн Айаал Лазарев кэпсээтэ.
Санатан суруйдахха, алтынньы 7 күнүгэр Айаал Лазарев Кытай Ханчжоу куоратыгар Азиатскай континент атлеттарын икки ардыларынааҕы күрэхтэһиилэригэр тустууга боруонса мэтээли ылбыта.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…