Айаал Сивцев аан дойду чөмпүйэнээтигэр боруонса мэтээли ылары ситистэ

Саха сирин күрэсчитэ Айаал Сивцев чэпчэки атлетикаҕа (ПОДА) аан дойду чөмпүйэнээтигэр боруонса мэтээли ылары ситистэ. Кинини бу улахан ситиһиитинэн Ил Дархан Айсен Николаев эҕэрдэлээтэ.

— Биир дойдулаахпыт Айаал Сивцев аатын бүтүн аан дойду биллэ. Кини Саха сирин сүүмэрдэммит хамаандатын устуоруйатыгар бастакынан маннык таһымнаах ситиһиини аҕалла.

Дьаадыраны анньыыга Айаал 11 миэтэрэ 95 сантиметр көрдөрүүлээх. Бу кини дьулуурун уонна бэйэҕэ итэҕэлин күүһүн көрдөрөр. Кини мэтээлэ — Саха сирин уонна дойду киэн туттуута, кини иннигэр саҥа чыпчааллар, кыайыылар күүтэллэр! — диэн Айсен Николаев суруйбут.