Айаннаан иһэн утуйан хаалан, суолтан туораабыт

Бэҕэһээ, алтынньы 12 күнүгэр,  03 чаас 50 мүнүүтэҕэ ИДьМ Мэҥэ Хаҥаластааҕы дьуһуурунай чааһыгар  «Лена» федеральнай суол  1144 км Тойота Королла Филдер массыына суолтан туораабытын туһунан иһитиннэрии киирбит.

Бэрэбиэркэ кэмигэр биллибитэ,  1144 килэмиэтиргэ 1992  с.т. Тойота Королла Филдер суоппара Хаҥалас улууһун Хачыкаатыттан Мэҥэ Хаҥалас Аллараа Бэстээҕэр айаннаан иһэн,  үлтү сылайан суол уҥа өттүгэр түспүт.  Ол түмүгэр  Мэҥэ Хаҥалас  киин балыыһатыгар суоппар уонна пассажир эчэйиини ыланнар  илдьиллибиттэр.

Билигин туһааннаах быһылаанынан бэрэбиэркэ ыытыллар диэн Мэҥэ Хаҥаластааҕы Госавтоиниспиэксийэ иһитиннэрдэ.