Хаартыска: А.Ноев ханаалыттан
Горнай улууһугар Дьячковскайдар дьиэ кэргэн тиэргэннэрин иһигэр дьиэ кэргэн быыстапкатын үлэлэппиттэрэ сылтан ордон эрэр.
Антонина Николаевна уонна Валерий Моисеевич Дьячковскайдар «Умсулҕаннаах дьарыгым -– бар дьоммор» быыстапкаларын көрөөрү кыһыннары-сайыннары элбэх киһи тоҕуоруһар, сөҕөр-махтайар. Чахчыта да, быыстапкаҕа туруоруллубут 300-чэ эспэнээт барыта бэйэтэ туспа сэһэннээх, устуоруйалаах.
СӨ култуураҕа уонна духуобунай сайдыыга миниистирэ Афанасий Ноев бэйэтин телеграм-ханаалыгар санаатын үллэстибитин ааҕан, Дьячковскайдар олус долгуйбуттар уонна махталларын биллэрэллэр.
«Бырабыыталыстыба ааспыт сыллааҕы үлэтин улууска отчуоттуу тиийэ сылдьан, тып-тап оҥоһуулаах балаҕан түмэллэрин тиийэн көрдүм. Аҕа баһылык Валерий Моисеевич-Сиэн Харах суоппар идэлээх. Баардаах баара батарбакка, кэлин айар үлэнэн утумнаахтык дьарыктанан, аҕыйах сыл иһигэр удьурҕайтан, мас силиһэ-мутуга араастаан үүммүтүн көрөн, бэрт дьикти оҥоһуктары нарылаан, толкуйдаан таһаарар. Маастар ойуулаан көрөр дьоҕура сайдыбытын бэлиэтиэххэ наада. Олоҥхо, айыылар персонажтарын сөрү-сөпкө көрөн, оҥорон, толкуйдаан таһаарбытын киһи сөҕөр эрэ. Эрдэ Сиэн Харах суоппардыы сылдьан сөбүлүү көрбүтүн дьиэтигэр аҕалан мунньар буоллаҕына, кэлин дьон ураты дьарыгын бэлиэтии көрөн, араас быһыылаах мас силиһин, мутугун аҕалан биэрэллэр эбит.
Онон, Горнай улууһун ыалдьыттара, «Бүлүү» федеральнай суолунан айан тутааччылар, тохтоон, көрөн ааһыаххытын сөп. (Аадырыстара Бэрдьигэстээх сэл., Строителей уул. 9 нүөмэрдээх дьиэтэ)», -– диэн А.И.Ноев билиһиннэрэр.
Саха сирэ 2025 сыл түмүгүнэн Оҕо уонна ыччат «Бастакылар хамсааһыннара» Бүтүн Арассыыйатааҕы уопсастыбаннай-судаарыстыбаннай хамсааһыны сайыннарыыга…
Арассыыйа бэрэсидьиэнэ Владимир Путин ахсынньы 19 күнүгэр, бээтинсэҕэ, пресс-кэмпириэнсийэни кытта быһа эпиири ыытыаҕа. Судаарыстыба баһылыга…
Арассыыйаҕа кутталлаах ыарыыта суоҕун туһунан ыспыраапканы сымыйанан оҥоруу иһин холуобунай эппиэтинэһи киллэриэхтэрин сөп. Бу туһунан…
“Кыһыҥҥы сынньалаҥҥа оҕолор хас күн өрүүллэр?” – диэн төрөппүттэр ыйытыыларыгар РФ Үөрэҕириитин министиэристибэтэ бу курдук…
Арассыыйа бааннарын үгүс өттө, Киин Баан сүрүн ыстаапкатын боппуруоһугар кэлэр мунньаҕар диэри, ипотека ыстаапкатын намтатыыны…
Зеленскэй Донбасстан сэриитин таһаарарын утарар. Ол эрэн АХШ Украина куттала суох буолуутун мэктиэлиирин туруорсар. НАТО-ҕа…