Айанньыттар Дежнев тумулугар тиийдилэр
16.04.2025, 15:35
Хаартыска: sakha.gov.ru ылылынна
Бөлөххө киир:
Александр Еликов уонна Алексей Жирухин хамаандалара «Россия: от края до края» эспэдииссийэлэрин бастакы түһүмэҕэ түмүктэннэ.
Кинилэр Дьокуускайтан массыынанан Дежнев тумулугар диэри айаннаатылар. Аны сайын Владивостоктан Калининградка тиийэр былааннаахтар.
—Биһиги дойду саамай ыраах муннугар тиийэ айанныахха сөп диэн көрдөрөр сыаллаахпыт. Массыынанан Уэлеҥҥа, онтон урут ким да көлөнөн тиийбэтэх Инчоун сэлиэнньэтигэр тиийэ айанныыры дакаастаан көрдөрдүбүт. Олохтоохтору наһаа үөрдүлэр, — диэн кэпсиир Алексей Жирухин. Быйыл кулун тутартан эспэдииссийэ айанын саҕалаабыта.
Айанньыттар Улуу Кыайыы 80 сылынан, фроҥҥа көхтөөхтүк кыттыбыт куораттар, бөһүөлэктэр тустарынан кэпсиир былааннаахтар. Маны сэргэ, «Аляска – Сибирь» салгын трассатыгар туспа кэпсэтиилэри, санаа үллэстиилэрин аныахтара.
Эспэдииссийэ иккис түһүмэҕэ Владивостоктан саҕаланыа. Хамаанда салгыы Калининград уобалаһыгар тиийэ айанныаҕа.
СӨ Ил Дарханын уонна Бырабыыталыстыбатын пресс-сулууспата
Сообщить об опечатке
Текст, который будет отправлен нашим редакторам: