Халлаан сылыйыыта сааскы кэмҥэ туристар айанныыллара элбиир үгэстээх. Ол эрээри туристыы да барыы сэрэхтээх буолар. Холобура, өрүс суолунан сырыы хаайтарыыта Өлүөнэҕэ эрэ буолбакка, атын өрүстэргэ эмиэ тахсар.
Кытайга айаннааччылар Амур өрүһү быһа ааспаттар. Онон манна понтоннай муостанан пассажирдары уонна таһаҕаһы тиэйиигэ болҕомто хаһааҥҥытааҕар да күүһүрэр. Онон сибээстээн Амур өрүскэ муус туругун эмиэ кэтииллэр. Муус устарга понтоннай муостаны көтүрэллэр.
“Биһиги сааскы суол быстар кэмигэр бэлэмнэнэбит. Сотору Амур өрүһүнэн пассажирдары салгын олбохтоох суудуналарынан тиэйии саҕаланыаҕа. Оттон таһаҕаһы Кани-курган аһардар сирин пуунун оройуонугар норуоттар икки ардыларынааҕы массыына суолунан таһыы салҕаныаҕа. Муус алдьаныан иннинэ исписэлиистэр понтоннай муостаны көтүрүөхтэрэ. Ону тэҥэ муус барар кэмигэр пассажирдары тиэйии быстах кэмҥэ тохтотуллуоҕа. Онон Кытайга айанныыр туристары суол хаалар кэмигэр айаҥҥытын былаанааһыны толкуйдуургутугар сүбэлиибит”, — диэтэ Амур уобалаһын тырааныспарка уонна суол хаһаайыстыбатыгар миниистирэ Александр Зеленин.
Онон айанньыттары сэрэхтээх буоларгытыгар ыҥырабыт.
Ил Дархан Айсен Николаев VIII норуоттар икки ардыларынааҕы «Азия оҕолоро» спортивнай оонньуулар ыытыллыахтаах эбийиэктэрин кэрийэн…
«Азия оҕолоро» спортивнай оонньуулар ыытыллар эбийиэктэригэр террортан куттал суох буолуутун хааччыйар кэккэ боппуруоһу анал хамыыһыйа…
Өлүөнэ өрүскэ муус харыыта тахсан, көрүөх бэтэрээ өттүгэр уу таһыма үрдээн, Өлүөхүмэ улууһун хас даҕаны…
Өлүөнэ мууһа бүгүҥҥү туругунан Хаҥалас улууһунан устар. Онон сотору кэминэн суудуналар сырыылара саҕаланыаҕа. СИА суруйарынан,…
Ыксаллаах быһыы-майгы Өлүөхүмэ уонна Ньурба улуустарыгар муниципальнай таһымҥа биллэриллэн, бу оройуоннарга тыҥааһыннаах кэм үүннэ. --…
VIII норуоттар икки ардыларынааҕы «Азия оонньуулара» кыттарга бэлэмнэнии чэрчитинэн, Саха сирин эдэр спортсменнара быйылгы сыл…