Хаартыска Ил Дархан уонна Бырабыыталыстыба пресс-сулууспата.
Ыам ыйын 29-31 күннэригэр Дьокуускайга «Уһук Илиҥҥэ айыллыбыт: айар дьоҕуртан экэниэмикэҕэ диэри» норуоттар икки ардыларынааҕы II пуорум ыытыллаары турар.
Быйылгы тэрээһин куорат киин болуоссаттарын хабан, улахан бэстибээл быһыытынан ыытыллара былааннанар. СӨ Бырабыыталыстыбатын Бэрэссэдээтэлин солбуйааччы Анатолий Семенов бэлиэтииринэн, пуорум айар дьоҕур, экэниэмикэ уонна уопсастыба түмсэр эйгэтин биир ситимниэҕэ.
«Тэрээһиҥҥэ дьыалабыай көрсүһүүлэр эрэ буолбакка, ускуустуба, технология уонна Уһук Илин ураты култууратын сайыннара сылдьар дьон көрсүһэн уопуттарын, санааларын атастаһыахтара. Биһиги саалаларга ыытыллар тэрээһиннэртэн тэйэн, айар эйгэ куорат олохтоохторун барыларыгар тиийимтиэ гына тэрийэбит», — диэн Анатолий Семенов тоһоҕолоон эттэ.
Тэрийээччилэр бэлиэтииллэринэн, пуорум чэрчитинэн ыытыллар киинэ, анимация, муусука, киэргэл, IT уонна норуот оҥоһуктарын бэрэстэбиитэллэрэ эрэ буолбакка, куорат олохтоохторо уонна киин куорат ыалдьыттара кыттыыны ылыахтара, кинилэргэ анаан тэрийээччилэр үгүс култуурунай тэрээһиннэри бэлэмнээтилэр.
“Үлэ кыбартаала” диэн айар кластерга аныгы худуоһунньуктар быыстапкалара уонна “Секретный сад” диэн муода көрдөрүүтэ буолуоҕа. Гастрономическай бэстибээл Уһук Илин эрэгийэнин бэрэстэбиитэллэрэ ураты амтаннаах бүлүүдэлэрин амсатыахтара, шеф-асчыттар маастар-кылаастары ыытыахтара.
Сиһилии созданонадв.рф саайтка киирэн билсиэххэ сөп. Регистрация: https://reg.createdeast.ru/ru/registration ыытыллар. “Уһук Илиҥҥэ айыллыбыт: айар дьоҕуртан экэниэмикэҕэ диэри” II норуоттар икки ардыларынааҕы пуорум социальнай ситимнэрин https://t.me/createfareast уонна https://vk.com/createfareast көрүҥ.
Сиһилии пуорум туһунан https://www.sakha.gov.ru/news/5071 сигэнэн ааҕыҥ.
От ыйын 10 күнүгэр XXII-с Манчаары оонньууларын чэрчитинэн Д.К. Сивцев-Суорун Омоллоон аатынан Чөркөөх түмэлигэр «Манчаары…
Бу салааты биирдэ амсайбыт киһи умнубат, астына-дуоһуйа сиир аһа. Сайыҥҥы чэпчэки, ол эрээри тотоойу уонна…
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…