Айар кэлэктииптэр федеральнай граҥҥа кыттар кыахтаныахтара

Норуот ырыатынан, үҥкүүтүнэн, фольклорунан дьарыктанар айар кэлэктииптэр федеральнай граҥҥа киирсэр кыахтаныахтара. Бу сыалга сылын аайы бүддьүөттэн 100 мөлүйүөн солкуобай көрүллүөҕэ. Туһааннаах уурахха РФ бырабыыталыстыбатын бэрэссэдээтэлэ Михаил Мишустин илии баттаата.

Бу граҥҥа ырыанан, музыкальнай инструменынан, үҥкүүнэн, о.д.а. жанрдарынан анаан дьарыктанар бөлөхтөр кытталлар. Бу үлэ “Култуураны сайыннарыы” диэн судаарыстыбаннай бырагыраама чэрчитинэн ыытыллар. Граны айар бөлөхтөр саҥа бырагыраама оҥоруутугар, гастроллары, маастар-кылаастары, араас чинчийиини, экспедицияны ыытыыга туттуохтарын сөп.

Куонкуруһу РФ култууратын министиэристибэтэ тэрийэн ыытар. Тэрийээччилэр этэллэринэн, сылын аайы 15-25 айар бөлөх гранынан туһаныан сөп.

СИА хаартыскаҕа түһэриитэ