“Айар Уустар” идэ маастарыстыбатын чөмпүйэнээтэ түмүктэннэ

“Үлэ кыбартаала” кылаастарга “Айар Уустар” креативнай индустрияҕа идэ маастарыстыбатын чөмпүйэнээтин үөрүүлээх сабыллыыта буолан ааста. Тэрээһин, бу хайысхаҕа каадыры бэлэмнээһин кластерын тэрийии туһунан сөбүлэҥҥэ илии баттаһыыттан саҕаланна.

СӨ бырабыыталыстыбатын бэрэссэдээтэлин солбуйааччы Анатолий Семенов, Үөрэх уонна билим миниистирин эбээһинэһин толорооччу Нюргуна Соколова тыл эттилэр.

— Тустаах чөмпүйэнээт улахан суолталаах. Биһиги өрөспүүбүлүкэҕэ креативнай индустрияны сайыннарыахпытын, 2021 сыллаахха 4,5 млрд. солк. оҥорбут, бэйэтин кэмигэр АйТи салааны тэрийбиппит курдук туспа салааны таһаарыахпытын баҕарабыт. Бу — нолуок уонна үлэ саҥа миэстэтэ. Бүгүн биһиги анимацияҕа, дизайҥҥа, муодаҕа уонна да атын хайысхаларга тоҕо анньан тахсар кыахтаахпытын көрдүбүт. Маныаха каадыр, талааннаах эдэр дьону булуу, сатабылларын сайыннарыы ирдэнэр. Кинилэр аан дойду ырыынагар ситиһиилэнэр кыахтаахтарыгар эрэнэбин, — диэн Анатолий Аскалонович бэлиэтээтэ.

“Информационнай технологиялар” хайысхаҕа кыайыылааҕынан 5-с нүөмэрдээх хамаанда таҕыста, уһуйааччы Егоров Алексей Гаврильевич.

“Дизайн уонна муода” хайысхаҕа 4-с нүөмэрдээх хамаанда бастаата, уһуйааччы Куртц Айна Николаевна.

«Көмпүүтэр оонньуутун уонна мультимедийнэй сыһыарыылары оҥоруу» компетенция

1 миэстэ – Кылтасов Валерий Егорович, “Айтыын” сыыппара технологияларын кэллиэһин устудьуона.

«Көмпүүтэр оонньуутугар 3Д моделирование» компетенция

1 миэстэ – Илларионов Илларион Степанович, Дьокуускайдааҕы сибээс уонна информационнай технологиялар кэллиэһин устудьуона.

«Анимация» компетенция

1 миэстэ – Пермякова Валентина Михайловна, “Айар Уустар” креативнай индустрия кэллиэһин устудьуона.

«Графическай дизайн» компетенция

1 миэстэ – Кынакытова Яна Алексеевна, “Айар Уустар” креативнай индустрия кэллиэһин устудьуона.

«Веб-технологиялар» компетенция

1 миэстэ – Татаринова Кристолия Сергеевна, М.К. Аммосов аатынан Хотугулуу-Илиҥҥи федеральнай университет инфраструктурнай технологияларга кэллиэһин устудьуона.

«Сыыппара модельера» компетенция

1 миэстэ – Ефимова Екатерина Ивановна, “Айар Уустар” креативнай индустрия кэллиэһин устудьуона.

«Муода технологиялара» компетенция

1 миэстэ – Александрова Егорьяна Егоровна, “Айар Уустар” креативнай индустрия кэллиэһин устудьуона.

«Көмүс ууһун дьыалата» компетенция

1 миэстэ – Филиппова Мария Алексеевна, Дьокуускайдааҕы бырамыысыланнас тиэхиньикумун устудьуона.

«Хаартыска» компетенция

1 миэстэ – Алексеев Сулустаан Александрович, “Пространство” устуудьуйа саҥа саҕалаан эрэр хаартыскаҕа түһэрээччитэ.

«Муодунай таҥас уонна аксессуар дизайна» компетенция

1 миэстэ – Аргунова Вилена Ивановна, “Айар Уустар” креативнай индустрия кэллиэһин устудьуона.

Бу туһунан Үөрэх уонна билим министиэристибэтин саайтыгар суруйаллар. Сиһилии ыйыллыбыт сигэнэн ааҕыҥ.