«Айардар» бачыымнара кэҥээн истин

«Айар» национальнай кыһа бас дьоно Август Васильевич Егоров, Валерий Николаевич Луковцев өрөспүүбүлүкэтээҕи эндокринология балыыһатыгар сытан эмтэнээччилэр кинигэ ааҕан сэргэхсийдиннэр диэн, 20 кинигэни аҕалан бэлэхтээтилэр.

Бу үтүө санааны өрө тутар тэрээһинтэн араас улуустартан сытан эмтэнээччилэр олус үөрдүлэр. Сытыаран эмтиир салаа сэбиэдиссэйэ Надежда Егоровна Винокурова «Айар» кыһа үлэһиттэригэр барҕа махталын тириэртэ.
Тус бэйэм таптаан ааҕар ааптарым Надежда Егорова-Намылы «Дьахтар абылыыр айылгыта» кинигэтин булан үөрдүм, долгуйа аахтым.
«Айардар» соторутааҕыта сүрэх балыыһатыгар эмиэ кинигэ бэлэхтээбиттэрэ.

Бу курдук үтүө санаа үгүс үтүктээччилэрдээх буоллун! «Айардар» бачыымнара кэҥээн-тэнийэн истин!

Валентина КРИВОШАПКИНА, Таатта, Харбалаах.