“Айардыын бииргэ. 2024 сыл түмүктэрэ”. Кыайыылаахтар билиннилэр

“Айар” национальнай кыһа олунньу 14 күнүгэр үгэскэ кубулуйбут “Айардыын бииргэ. 2024 сыл түмүктэрэ” тэрээһини ыытта.

Бу тэрээһин — кинигэ кыһатын  үлэтэ тахсыылаах, ситиһиилээх буоларыгар уонна ааҕааччыны сэҥээрдэр кэрэхсэбиллээх бырайыактары оҥорорго, араас тиэмэлээх кинигэлэри бэчээттииргэ  тус кылааттарын киллэрсэр, айымньылаахтык бииргэ үлэлэһэр дьоннорун, тэрилтэлэри бииргэ түмэр, сыралаах үлэлэрин бэлиэтиир, барҕа махталларын биллэрэр үтүө түгэн.

“Айар” кыһа Анал бириэмийэтэ:

Ийэ тыл, сурук-бичик сайдыытыгар дьоһун кылаатын иһин – Габышева Феодосия Васильевна;

Ийэ тыл, сурук-бичик туруу үлэһитэ – Шамаев Иван Иванович;

Саамай ааҕар улуус – Чурапчы улууһа (баһылык Саргыдаев Степан Анатольевич).

Номинациялар:

Дархан кинигэ – “Саха төрүт олоҕо” – ааптар Бравина Розалия Иннокентьевна;

Бастыҥ поэзия кинигэтэ —  “Эрбэһинтэн ыйытаар” – Харлампьева Наталья Ивановна;

Бастыҥ проза кинигэтэ – “Оҕом аҕалаах буоллаҕына…” – Макеев Данил  Николаевич;

Далааһыннаах ааптар –  норуодунай суруйааччы Мигалкин Иван Васильевич;

Оҕо бастыҥ кинигэтэ – “Саха остуоруйалара – Якутские сказки” – норуодунай суруйааччы Д.К.Сивцев-Суорун Омоллоон;

Бастыҥ үөрэх кинигэтин ааптара – Гурьев Геннадий Игнатьевич саха тылыгар 5-11 кылаастарга үөрэх кинигэлэрин ааптара;

Бастыҥ оонньотор, сайыннарар таһаарыы – “История Якутии: оҕону сайыннарар викторина оонньуу” – Федорова Туяра Иннокентьевна;

Бастыҥ уруһуйдьут – Михайлова Айталина Ивановна;

Бастыҥ партнер: киэҥ эйгэҕэ сырдатааччы – “Саха” НКИХ “Саҥа күн биэриитин эрэдээксийэтэ;

Бастыҥ партнер: бииргэ үлэлэһээччи – СӨ Үөрэххэ уонна наукаҕа министиэристибэтэ;

Бастыҥ партнер: ааҕыыны көҕүлээччи – Хаҥаластааҕы нэһилиэктэр икки ардыларынааҕы кииннэммит  бибилэтиэкэ тиһигэ (дириэктэр Ираида Иннокентьевна Адамова);

Ону сэргэ ааҕыыны көҕүлээччи, кинигэни бастыҥ тарҕатааччы номинациялар кыайыылаахтара быһаарылыннылар.

“Национальнай кинигэ таһаарыытыгар кылаатын иһин” бэлиэнэн  Софронова Майя Романовна (Нам улууһун кииннэммит бибилэтиэкэтин тиһигин дириэктэрэ) уонна Неустроева Лира Михайловна (Чурапчы с. киоскатын атыыһыта) наҕараадаланнылар.