“Айардыын” бииргэ. Сыл бастыҥнара бэлиэтэннилэр

Олунньу 9 күнүгэр “Айар” Национальнай  кинигэ кыһата  национальнай бэчээт уонна өрөспүүбүлүкэ норуоттарын литературалара  сайдарыгар тус кылааттарын киллэрсэр, “Айар” кинигэ кыһатын кытары айымньылаахтык үлэлэһэр  дьону, тэрилтэлэри бииргэ түмэн, сыралаах үлэлэрин бэлиэтээтэ, ситиһиилэринэн эҕэрдэлээтэ, махталын биллэрдэ.

“Айар” кэлэктиибэ бииргэ үлэлэһээччилэригэр аан бастакытын маннык улахан тэрээһини ыытан, уопсайа 28 номинацияны олохтоото.

Үөрүүлээх күн кыттыылаахтарын, кыайыылаахтары “Айар” Национальнай кыһа дириэктэрэ Август Васильевич Егоров, СӨ бырабыыталыстыбатын тыллары сайыннарыы боппуруостарыгар управлениетын салайааччы Римма Романовна Жиркова уо.д.а. эҕэрдэлээтилэр.

Анал бириэмийэлэр туттарылыннылар:

“Дархан кинигэ” үрдүк аат – Арассыыйа норуоттарын култуурунай нэһилиэстибэлэрин сылын түмүгүнэн  кыайыылаах, “Кыһыл көмүс” диплом  хаһаайына буолбут, 5 бастыҥ кинигэ ахсааныгар  киирбит уонна  Арассыыйатааҕы, норуоттар икки ардыларынааҕы таһымнаах кинигэ куонкурустарыгар кыайыылаах тахсыбыт “Саха ойуута-бичигэ – Узоры и орнаменты саха” диэн дьоһун кинигэ ааптара Борис Федорович Неустроевка-Мандар Ууска.

“Ийэ тыл, сурук-бичик сайдыытыгар дьоһун кылаатын иһин” —  национальнай оскуолалары саҥардан сайыннарар кэнсиэпсийэ ааптара, судаарыстыба бөдөҥ диэйэтэлэ, педагогика наукатын дуоктара Егор Петрович Жирковка.

“Ийэ тыл, сурук-бичик туруу үлэһитэ” – “Айыы кыһата” оскуоланы төрүттэһээччи уонна  дириэктэр, Арассыыйа үтүөлээх учуутала Лидия Петровна Шамаеваҕа.

“Саамай ааҕар улуус” – Мэҥэ Хаҥалас улууһун  баһылыга Дмитрий Иванович Тихоновка.

“Проза бастыҥ кинигэтэ” – “Биһик” кинигэ ааптара, СӨ Суруйааччыларын сойууһун чилиэнэ Дмитрий Николаевич Пономаревка-Дьолуолаахха.

“Поэзия бастыҥ кинигэтэ” – “Тэбэр сүрэх” кинигэ ааптара, СӨ норуодунай суруйааччыта Наталья Владимировна Михалеваҕа-Сайаҕа.

“Оҕо бастыҥ кинигэтэ” – “История Якутии. Энциклопедия”  кинигэ ааптардара  Наталья Дмитриевна Васильеваҕа,   Татьяна Владимировна Платоноваҕа.

“Үөрэх бастыҥ кинигэтин ааптара” – “Букубаар” ааптара Мария Филипповна Кронниковаҕа.

“Бастыҥ саҕалааччы” – “Күтүөккэ хомолто” айымньытын иһин  Сардаана Александровна Корякинаҕа.

“Ayarbook бастыҥ айымньыта” – “Туоһахта уонна Лэкиэс” айымньытын иһин СӨ Суруйааччыларын сойууһун чилиэнэ Василий Иннокентьевич Гоголевка-Уйулҕаҥҥа.

“Бастыҥ уруһуйдьут” – элбэх үлэ, ойуу ааптара Дмитрий Николаевич Мухиҥҥа.

“Ураты истииллээх уруһуйдьут”– “Былыыр-былыр” диэн оҕо кинигэтин ойууларын оҥорбут Айталина Ивановна  Михайловаҕа.   

“Айар” бастыҥ ааҕааччыта” – Вилюяна Николаевна  Никитинаҕа.

“Ayar.ru бастыҥ атыылаһааччыта” – Лена Петровна Оконешниковаҕа.

“Бастыҥ партнер: киэҥ эйгэҕэ сырдатааччы” – “Саха” Национальнай көрдөрөр-иһитиннэрэр хампаанньаҕа (“Саха” НКиХ уонна “Мамонт” телеханааллар дириэксийэлэрин дириэктэрэ-сүрүн эрэдээктэрэ Олег Егорович Колесов-Талбан).

“Бастыҥ партнер: ааҕыыны көҕүлээччи” – “Нам улууһунааҕы кииннэммит бибилэтиэкэ ситимигэр” (дириэктэр Майа Романовна Софронова).

“Бастыҥ партнер:  ааҕыыны көҕүлээччи” иккис истиэпэннээх диплома – “Уус Алданнааҕы  нэһилиэктэр икки ардыларынааҕы кииннэммит бибилэтиэкэ тиһигэр” (дириэктэр Варвара Николаевна Окоемова).

Муниципальнай тэриллиилэргэ “Бастыҥ партнер: кинигэ таһаартарааччы” – “Чурапчы улууһа (оройуона)” муниципальнай оройуоҥҥа (баһылык Степан Анатольевич Саргыдаев).

Тэрилтэлэргэ “Бастыҥ партнер: кинигэ таһаартарааччы”  — М.К.Аммосов аатынан Хотугулуу-Илиҥҥи  федеральнай университекка (ректор Анатолий Николаевич Николаев).

Биирдиилээн сакаасчыттарга: “Бастыҥ партнер: кинигэ таһаартарааччы” педагогика наукатын хандьытаата, наука уонна тиэхиньикэ эйгэтигэр  СӨ Судаарыстыбаннай бириэмийэтин  лауреата Күннэй Егоровна Гагаринаҕа.

“Бастыҥ партнер: бииргэ үлэлэһээччи” – “Дьокуускайдааҕы технология уонна дизайн коллеһыгар” (дириэктэр Елена Григорьевна Яковлева)

“Кинигэни бастыҥ тарҕатааччы”:

Тэрилтэлэргэ 1-кы миэстэлээх диплом – “Книжный маркет” хааччахтаммыт эппиэтинэстээх тэрилтэҕэ (генеральнай дириэктэр Владимир Семенович Евтюшин).

2-с миэстэ – “Мир знаний” ХЭО (дириэктэр Анна Петровна Прудецкая).

3-с миэстэ – СӨ федеральнай почта  сибээһин управлениетыгар (дириэктэр Петр Владимирович Птицын).

Биирдиилээн дьоҥҥо:

1-кы миэстэлээх диплом – Попова Татьяна Егоровнаҕа (Чурапчы улууһа).

2-с миэстэ – Тимофей Тимофеевич Егоровка (Уус Алдан улууһа).

3-с миэстэ – Анна Спиридоновна  Брызгаеваҕа (Амма улууһа).

“Кинигэни тарҕатыыга бастыҥ саҕалааччы” – Владимир Гаврильевич Яковлевка (Мэҥэ Хаҥалас улууһа).

«Айар» кыһа дириэктэрэ Август Егоров бэлиэтээбитинэн, маннык улахан ситиһиилэр түмсүүлээх үлэнэн ситиһилиннилэр.

“Айар” Национальнай кинигэ кыһата быйылгы сылга былаана үгүс. Ааҕааччылары олус интэриэһинэй уонна дьикти бырайыактар күүтэллэр.