Хаартыска: Сунтаар улууһун дьаһалтатын пресс-сулууспата
Байыаннай дьайыыга сырдык олоҕун толук уурбут, Күндэйэ хорсун буойуна Андриан Николаевка аналлаах быыстапкаҕа дьон-сэргэ тоҕуоруһа муһунна.
«Айбытым, туппутум ааппын ааттатыа» диэн олус дириҥ ис хоһоонноох быыстапкаҕа, кини айан таһаарбыт оҥоһуктара уонна тапталлаах Күндэйэтин кэрэ айылҕатын холустаҕа хоһуйбут хартыыналара турдулар.
Андриан Николаев ис-иһиттэн дойдутугар, төрөөбүт түөлбэтигэр бэриниилээх, дьиҥ патриот өйдөөх-санаалаах киһи этэ. Ол да иһин дойдуга куттал суоһаабытыгар, кытаанах санааны ылынан 2024 сыллаахха байыаннай дьайыыга сулууспалыы барбыта. Күн сирин көрбүт, сиппит-хоппут сирин аатын ылынан, «Чакыр» диэн позывнойданан олус хорсуннук сулууспалаабыта. Хомойуох иһин, тапталлаах дойдутугар эргиллэн кэлбэтэ…
Кини аатын үйэтитэр сыалтан кэргэнэ Сардаана Алексеевна, аймахтара уонна нэһилиэк дьоно көмөлөөн, бу быыстапканы тэрийдилэр. Худуоһунньук уран көрүүтүнэн айыллыбыт хартыыналар бэрт сиэдэрэйдэр, ону тэҥэ киһи эрэ кэрэхсиир оҥоһуктары тутан таһаарбыт мындыр уус, билигин биһиги аттыбытыгар суоҕа хомолтолоох… Анал байыаннай дьайыыга сулууспалыы сылдьан бүтэһиктээҕин уруһуйдаабыт сардаана сибэккитэ кини кэргэнигэр истиҥ тапталын, дириҥ убаастабылын көрдөрөр. Маннык үйэтитиигэ үлэлии сылдьар кэргэн, элбэх оҕолоох ийэ Сардаана Алексеевнаҕа улуус баһылыга Анатолий Григорьев кутурҕанын тириэртэ, махтал суругу туттарда.
Сунтаар улууһун дьаһалтатын пресс-сулууспата
Мукучу нэһилиэгэр олунньу 14 күнүгэр Арассыыйаҕа Норуоттар сомоҕолоһууларын, Саха Өрөспүүбүлүкэтигэр Култуура, Кэбээйи улууһугар Олоҥхо сылларыгар…
Олунньу 14-15 күннэригэр Дьокуускай куорат “Модун” спорт уораҕайыгар Гаврил Десяткин - Күүстээх Дэһээккин кэриэһигэр мас…
Дьокуускай куорат дьаһалтатын планеркатыгар иһитиннэрбитинэн, олунньу 16 күнүнээҕи туругунан, ОРВИнан уонна гириибинэн сибээстээн Физико-тиэхиньиичэскэй лиссиэй…
Ааспыт сууккаҕа Саха сиригэр буруйу оҥоруу икки түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
Саха сиригэр араас эрэгийиэннэртэн, ону ааһан тас дойдулартан туристар бөлөҕүнэн, биирдиилээн кэлэ тураллар. Швейцарияттан кэлбит…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…