«Айгуль» маҕаһыын арыгы амсатар аахсыйатын утардылар

Бу күннэргэ Дьокуускай куоракка баар «Айгуль» маҕаһыын Аҕа дойдуну көмүскээччилэр күннэрин көрсө маҕаһыыҥҥа арыгы амсатар аахсыйаны биллэрбит.

Онуоха куорат олохтоохторо аймалҕан тардан аахсыйаны боптулар. Дьокуускай куорат Аҕа сүбэтэ маннык быһыы-майгы үүнэр көлүөнэҕэ куһаҕан холобур буоларын бэлиэтиир.

Бэлиэтээн суруйдахха, Дьокуускайга онто суох хардыы ахсын арыгы маҕаһыына дэлэй. Босхо арыгыны амсатар аахсыйа куһаҕаны эрэ үксэтиэн сөп дии саныыбын. Онон олохтоохтор туруорсууларын маҕаһыын ылынан аахсыйа тохтотуллубут.