Суол быһылааныгар оҕо эчэйдэ

Бэҕэһээ 17:35 ч. Миирнэй улууһугар Айхалга Сэбиэскэй уонна Промышленнай уулуссаларын быһа охсуһуутугар «Nissan X-Trail» массыынаны ыытан испит 58 саастаах суоппар «Toyota Corolla Fielder» массыынаҕа суолу туораан биэрэр быраабыланы кэһэн, аһардыбатах.

Массыына харсыһыыта тахсыбатын курдук, 36 саастаах «Toyota Corolla Fielder» суоппара уҥа диэки эрийэ тутан, суолтан туораан, уот лииньийэтин баҕанатыгар түспүт, ол түмүгэр кини уонна 6 саастаах оҕото эмсэҕэлээбиттэр. Кинилэргэ амбулаторнай эмтэнии анаммыт.

Суоппардар иккиэн сөптөөх категориялаах бырааптаахтар, суол-тырааныспар быһылаанын кэмигэр арыгы испэтэхтэр, харыстыыр быанан баанан олорбуттар. Оттон оҕо улаханнык эчэйиэҕин, анал кириэһилэҕэ бааллан, тутуллан олорбут.