Айхал Габышев: «Бары биир санаанан салайтаран түмсүөҕүҥ!»

Саха сирин Аҕаларын түмсүүтүн салайааччыта Айхал Габышев Өрөспүүбүлүкэ күнүнэн эҕэрдэлиир:

— Таптыыр Сахабыт сирин өрөгөйдөөх күнүнэн төлөннөөх эҕэрдэ буолуохтун!

Элбэх тургутууну этэҥҥэ туораабыт, үлэни өрө туппут, күүстээх санаалаах улуу өбүгэлэрбитигэр махтанабыт, сүгүрүйэбит!

Кинилэр баар буоланнар биһиги баарбыт, кинилэр баар буоланнар дойдубут баар, кинилэр баар буоланнар тылбыт баар!

Өбүгэлэрбит албан ааттарынан киэн туттан туран, кинилэри түһэн биэрбэт туһуттан өссө күүскэ, өссө өрө күүрүүлээхтик, өссө таһаарыылаахтык үлэлиэхпит, айыахпыт, тутуохпут!