Саха сирин тутааччыларын Ассоциациятын генеральнай дириэктэрэ, СӨ «Аҕалар лигаларын» бэрэссэдээтэлэ Айхал Габышев санаатын үллэһиннэ:
— Бэҕэһээ, ахсынньы 22 күнүгэр, СӨ Ил Дархана Айсен Сергеевич Николаев сылы түмүктүүр Анал этиитигэр үүнэр 2024 сылы Оҕо саас сылынан биллэрдэ. Арассыыйаҕа үүнүөхтээх сылы дойду бэрэсидьиэнэ Дьиэ кэргэн сылынан биллэрбитэ. Онон Ил Дархаммыт быһаарыыта мындыр толкуйтан уонна дьиэ кэргэн үтүө үгэстэрин үйэтитэр сыаллаах, ийэ, аҕа оруолларын өйүүр, оҕолорго болҕомто уурар соруктаах быһаарыы диэн бэлиэтиэхпин баҕарабын. Ил Дархаммыт чахчы мындыр быһаарыыны ылынна. Дойду бэрэсидьиэнэ Владимир Путин дьиэ кэргэҥҥэ элбэх оҕо — Арассыыйа инникитэ, устуоруйа ситимэ диэн этэр. Дьиэ кэргэн сыаннастарын, үгэстэрин пропагандалааһын судаарыстыба сүрүн соруктара буолаллар. Биһиги өрөспүүбүлүкэбит оҕолордоох дьиэ кэргэттэри өйүүр, кинилэргэ болҕомто уурар. Кинилэри социальнай өттүнэн өйөөһүн сыл ахсын улаатан иһэр. Саха сиригэр Оҕо саас сыла демография бэлиитикэтигэр, дьиэ кэргэн үтүө үгэстэрин үйэтитиигэ бэйэтин кылаатын киллэриэҕэ. Толору, тирэхтээх дьиэ кэргэнтэн ураты суолталаах туох даҕаны суох диэн биһиги, аҕалар этэбит. Билигин дьиэ кэргэн идеологиятын сыаннастарын сайыннарыыга саамай тоҕоостоох кэм. Биһиги аан бастаан уол оҕо күнүн бэлиэтиир буолбуппутунан киэн туттабыт. Бу күн муус устар иккис баскыһыанньатыгар түбэһэр. Бу сыл ыам ыйыгар уол оҕо күнүгэр анаан өрөспүүбүлүкэбит аҕа баһылыгын кубогар «Уол оҕо күрэҕэ» диэн успуорт күрэхтэһиитэ ыытыллыбыта. Ону сэргэ сыл ахсын, номнуо 24-c төгүлүн «Аҕа күрэҕэ» ыытыллар. Оҕо сааска анаммыт сылга бу тэрээһиннэргэ болҕомто уонна күрэхтэһиилэр таһымнара өссө улаатыаҕа.
Бүгүн, ыам ыйын 16 күнүгэр, саха литературатын устуоруйатыгар киирэр дьоһуннаах тэрээһин П.Ойуунускай аатынан Литература түмэлигэр…
Ыам ыйын 19 күнүгэр Дьокуускай куорат олохтоохторо «ЗаБег.РФ» Бүтүн Арассыыйааҕы полумарафоҥҥа кыттыахтарын сөп. Тэрээһин күнүс…
ИДьМ 2 №-дээх полициятын оперативниктара киин куоракка рестораны уоттуу сатаабыт 33 саастаах дьахтар буоларын быһаардылар.…
СӨ Дьарыктаах буолууга судаарыстыбаннай кэмитиэтэ анал байыаннай дьайыы кыттыылаахтарыгар уонна кинилэр дьиэ кэргэттэригэр анаан Кэлим…
РФ Бэрэсидьиэнэ Владимир Путин КНӨ бэрэссэдээтэлэ Си Цзиньпин ыҥырыытынан Кытай Норуодунай Өрөспүүбүлүкэҕэ икки күннээх судаарыстыбаннай…
Бэс ыйын 20 күнүттэн орто анал, үрдүк үөрэх тэрилтэлэригэр үөрэххэ ылыы саҕаланар. Быйыл тус сыаллаах…