Айхал Габышев патриотизм туһунан

Айхал Габышев, Саха сирин аҕаларын түмсүүтүн салайааччыта, элбэх оҕолоох ыал аҕата патриотизм туһунан санаатын үллэһиннэ.

«Төрөөбүт дойдуга, норуокка, өбүгэ төрүт үгэстэригэр уонна ийэ тылга бэриниилээх буолуу дьиэ кэргэнтэн саҕаланар! Дьиэ кэргэн бигэ тирэҕэ – аҕа буолар! Ийэ, аҕа сылаас сыһыанын, истиҥ тапталын этинэн-хаанынан билбит оҕо өйө-санаата бөҕө, этэ-сиинэ бигэ туруктаах буолар.
Хас биирдии эр киһи элбэх оҕолоох ыал аҕата, хас биирдии аҕа хос эһээ буоларга дьулуһуохтаах. Оччоҕо эрэ ситим быстыбат,  утум салҕанан барар, оччоҕо эрэ ахсаан өттүнэн элбиибит.
Норуот биир санаанан салайтаран түмсүүлээх буолуохтаах. Түмсүүлээх эрэ норуот күүстээх буолар, оттон күүстээх норуот сайдыылаах буолар».