Айхал Габышев РФ Бэрэсидьиэин быыбарыгар куоластаата

Саха сирин Аҕаларын түмсүүтүн салайааччыта, Саха сирин тутааччыларын түмсүүтүн салайааччыта, Уһук Илиҥҥи федеральнай уокурук тутааччыларын түмсүүтүн салайааччыта, элбэх оҕолоох ыал аҕата Айхал Иванович Габышев дойду аҕа баһылыгын талар үс күннээх быыбар саҕаламмытыгар, быыбар бастакы күнүгэр биир бастакынан кэлэн куоластаата.

Айхал Габышев: «Аан дойду сайдыытыгар модун Арассыыйа суолтата күн түүн улаатан иһэрин курдук, дойдубут сайдыытыгар таптыыр Сахабыт сирин суолтата улаатан иһэрин сөпкө өйдөөммүт сөпкө дьаһыныахтаахпыт. Билиҥҥи быыһык кэмҥэ модун Арассыыйаны күүстээх аҕа баһылык салайыахтаах дии саныыбын», — диэн этэр.