Хаартыска: Айхал Габышев тиксэриитэ.
Ил Дархан Айсен Николаев туһаайан этиитин туһунан Саха сирин Аҕаларын түмсүүтүн салайааччыта, Саха сирин тутааччыларын түмсүүтүн салайааччыта Айхал Габышев санаатын үллэһиннэ:
— Арассыыйа Уһук Илинтэн саҕаланар. Оттон Уһук Илин сирин-уотун улахан аҥаарын биһиги өрөспүүбүлүкэбит ылар. Онон биһиги, саха дьоно-сэргэтэ модун Арассыыйа сайдыытыгар улахан эппиэтинэһи сүгэбит. Улаханнык долгуйан туран, СӨ Аҕа баһылыгын Айсен Сергеевич Николаев Ил Түмэҥҥэ сэттис туһаайан этиитин иһиттим. Бу этиигэ буоларын курдук өрөспүүбүлүкэбит бары хайысхата болҕомтото суох хаалбата. Биһиги өрөспүүбүлүкэбит Ил Дархана Айсен Николаев уонна Бырабыыталыстыба сааһыламмыт чопчу үлэлэрин түмүгэ — Уһук Илиҥҥи федеральнай уокурукка бастакы миэстэни ылар. Росстат дааннайынан, Уһук Илиҥҥэ ыытыллар тутуулар чиэппэрдэрин биһиги өрөспүүбүлүкэбит ылар. Сүрүн болҕомто арктическай оройуоннар сайдыыларыгар ууруллар. Тыа хаһаайыстыбатыгар да, о.д.а хайысхаларга сайдыы тэтимэ тохтообот.
Үүнэр 2025 сыл иһитиннэриитин өйүүбүн. Улуу Кыайыы 80 сылын көрсө өрөспүүбүлүкэбитигэр Ийэ дойдуну көмүскээччи сылынан биллэрилиннэ. Дьон олоҕун хаачыстыбата тупсарыгар үлэлэһэбит, сүрүннээн олох хаачыстыбатын тупсуута — култуура, үөрэхтээһин аныгылыы эбийиэктэрин тутуу, дьон-сэргэ олорор усулуобуйатын тупсарыыга эйгэни үөскэтии, инфраструктура сайдыыта уонна чэпчэки сыаналаах дьиэ-уот тутуута буолар. Эрэнэбин, СӨ тутааччыларын үтүө суобастаах үлэлэрэ өрөспүүбүлүкэбит сайдыытын туһугар салҕаныаҕа.
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…