Айхалга дьахтар эрин быһаҕынан анньан өлөрбүт

Айхал бөһүөлэгэр 50 саастаах дьахтары эрин өлөрүүгэ уорбалаан дьиэҕэ хаайдылар. Мииринэй оройуоннааҕы силиэстийэлиир отдел дааннайдарынан, быһылаан от ыйын 29 күнүгэр кэргэнниилэр кыбартыыраларыгар арыгы иһиилэрин түмүгэр тахсыбыт. Бу туһунан Силиэстийэлиир кэмитиэт иһитиннэрэр.

Кэргэнниилэр айдаарсан турбуттар, онуоха ойоҕо эрин түөскэ быһаҕынан аспыт. Эр киһи онно тута тыына быстыбыт. Ол кэнниттэн дьахтар суһал көмөнү ыҥырбыт, миэдиктэр кэлэн эр киһи өлбүтүн бигэргэппиттэр.

Билигин холуобунай дьыаланан туоһулары хомуйуу силиэстийэтэ барар. Силиэдэбэтэл ходатайствотынан дьахтары дьиэтигэр хаайдылар.